Гомельская вобласць знаходзіцца на паўднёвым усходзе Беларусі. Яна мяжуе з Бранскай вобласцю Расіі, а таксама з Кіеўскай, Чарнігаўскай і Жытомірскай — Украіны. Яе плошча (40,4 тысячы квадратных кіламетраў) складае пятую частку тэрыторыі краіны. Гэта сувымерна з плошчай Швейцарыі ці Галандыі.
На тэрыторыі вобласці размешчаны такія індустрыяльныя гіганты, як Мазырскі нафтаперапрацоўчы і Беларускі металургічны заводы, вытворчае аб'яднанне «Гомсельмаш», «Светлагорскхімвалакно», «Беларуснафта», «Гомельшкло».
Вобласць унікальная сваёй прыродай. Тут захаваліся некранутыя, першабытныя поймавыя дубровы і адзін з самых высокіх паказчыкаў лясістасці ў Еўропе. У Нацыянальным парку «Прыпяцкі» жыве сведка ледніковага перыяду зубр, а на тэрыторыі дзяржаўнага радыяцыйна-экалагічнага запаведніка — выміраючы конь Пржавальскага.
У старажытнасці тут праходзіў знакаміты гандлёвы шлях «З варагаў у грэкі».Сёння рэгіён уваходзіць у Эканамічны пояс Шаўковага шляху і з'яўляецца важным транзітным калідорам паміж краінамі ЕС і Еўразійскага эканамічнага саюза, сваімі магістралямі злучае Балтыйскае і Чорнае моры.
Галоўнай славутасцю рэгіёна з'яўляецца палацава-паркавы ансамбль Румянцавых і Паскевічаў. На тэрыторыі палацавага парку расце каля 100 відаў дрэў і кустоў. Статус гісторыка-культурнай каштоўнасці нададзены знакамітым на ўвесь свет неглюбскім ручнікам. Невыпадкова такі ручнік упрыгожвае адну з залаў штаб-кватэры Арганізацыі Аб'яднаных Нацый. Людзі, якія жывуць і працуюць на Гомельшчыне, прымнажаюць яе прыгажосць і веліч.
Ірына АСТАШКЕВІЧ
Фота Анатоля Клешчука
Цяпер, каб аформіць дачу, не трэба ехаць туды, дзе яна знаходзіцца.
Узмацненне адраснасці дзяржпадтрымкі і садзейнічання занятасці
Карэкціроўкі па аплаце жыллёва-камунальных паслуг закрануць чатыры катэгорыі жыхароў.
