Прызёркамі Гульняў сталі нашы спартсменкі ў камандных спаборніцтвах па класічным луку. Зборная Беларусі ў складзе Карыны Казлоўскай, Ганны Марусавай і Карыны Дзёмінскай у чвэрцьфінале перамагла саперніц з Украіны — 5:3. У паўфінале спаборніцтваў на арэне САК «Алімпійскі» нашы дзяўчаты выйгралі ў каманды Германіі з лікам 6:0. У фінале беларускія лучніцы сустрэліся са зборнай Вялікабрытаніі, але, на жаль, пацярпелі паражэнне.
— Вядома, нам хацелася перамагчы, — адзначыла пасля выступлення Карына Дзёмінская. — Але, як працавалі, такі вынік і атрымалі. Другое месца таксама нядрэнна. Трохі перашкаджала надвор’е, з-за яркага сонца цяжка цэліцца, глядзець на мішэні.
Нагадаем, на чэмпіянаце свету па стральбе з лука, які праходзіў у Хертагенбосе (Нідэрланды) з 9 па 16 чэрвеня беларуская жаночая каманда заваявала камандную ліцэнзію для ўдзелу ў Алімпійскіх гульнях 2020 года.
Дар’я Лабажэвіч
Фота Ганны Занкавіч
Карэкціроўкі па аплаце жыллёва-камунальных паслуг закрануць чатыры катэгорыі жыхароў.
