На страявым плацы вайсковай навучальнай установы дыпломы атрымалі 440 маладых афіцэраў. Ззаду ў іх засталіся 4 гады напружанай, але цікавай вучобы. Наперадзе ў іх – служба на адказных пасадах.
Глеб Нячыпар скончыў агульнавайсковы факультэт па спецыяльнасці «Ідэалагічная праца ў падраздзяленнях Узброеных Сіл». Рэалізоўваць атрыманыя веды будзе ў 120-й асобнай гвардзейскай механізаванай брыгадзе.
- Чатыры гады таму здавалася, што час у акадэміі будзе цягнуцца доўга. Але насамрэч ён праляцеў незаўважна. Гэта былі найлепшыя гады ў маім жыцці, якія звязаны з яркімі ўспамінамі і падзеямі. Я займеў добрых сяброў і надзейных таварышаў. І чаканні апраўдаліся поўнасцю.
Сярод сёлетніх выпускнікоў – 14 залатых медалістаў.
- Год дастаткова ўраджайны на такія ўзнагароды, - адзначыў начальнік Ваеннай акадэміі Віктар Лісоўскі. – А сярод выпускнікоў, якія атрымалі дыпломы выдатнікаў – 17 прадстаўнікоў В’етнама з 20 навучэнцаў гэтай краіны. Акадэмію скончылі таксама 13 афіцэраў з Казахстана.
Валяр’ян ШКЛЕННІК
Фота Ганны ЗАНКАВІЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.