Больш за 450 тыс. чалавек наведалі фан-зоны II Еўрапейскіх гульняў, здарэнняў падчас святкаванняў і спаборніцтваў не зарэгістравана. Пра гэта паведаміў сёння журналістам намеснік начальніка галоўнага ўпраўлення аховы правапарадку і прафілактыкі МУС Беларусі Дзмітрый Кур’ян, паведамляе БЕЛТА.
Праваахоўнік адзначыў, што гульням папярэднічала каласальная падрыхтоўка.
«Гэта дазволіла нам на дастаткова добрым узроўні забяспечыць як грамадскую бяспеку, так і правапарадак там, дзе праводзіліся масавыя мерапрыемствы і спаборніцтвы», — сказаў ён. Па ўсёй краіне для жадаючых пабалець за спартсменаў былі арганізаваны фан-зоны, іх наведалі больш за 450 тыс. чалавек, удакладніў Дзмітрый Кур’ян. Паводле яго слоў, здарэнняў і надзвычайных сітуацый у месцах правядзення II Еўрапейскіх гульняў і фан-зонах не зарэгістравана. Былі толькі адзінкавыя выпадкі зваротаў, напрыклад, людзі забывалі або гублялі рэчы. Праваахоўнікі аператыўна ім дапамагалі.
«Як паказала статыстыка, падчас правядзення гульняў у Мінску ў цэлым кожныя суткі рэгістравалася практычна ў два разы менш злачынстваў, чым у звычайныя дні», — падкрэсліў Дзмітрый Кур’ян.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
