Вы тут

Амаль гатовую сядзібу — за паўцаны і нават танней


На любы густ і колер прапануецца дзяржнерухомасць, якая не выкарыстоўвалася, у Мінскай вобласці. Цяпер яе можна набыць на аўкцыёнах з магчымасцю задзейнічання пад жыллё.


Сёлета ў цэнтральным рэгіёне краіны плануецца ўцягнуць у гаспадарчы абарот шляхам продажу на аўкцыённых таргах больш за 100 нявыкарыстаных аб'ектаў дзяржаўнай уласнасці. Частку з іх прапануецца набыць з магчымасцю пераводу ў жылыя памяшканні, паведамілі спецыялісты камітэта «Мінскаблмаёмасць».

Жыхарамі шумнага Мінска гэты варыянт разглядаецца як спосаб знізіць высокі тэмп гарадскога жыцця. І сталічны рэгіён у плане змены лакацыі па-ранейшаму лічыцца прывабным.

На таргах, якія праводзяцца камітэтам, ужо цяпер можна набыць больш за 20 такіх аб'ектаў, размешчаных у маляўнічых месцах Мінскай вобласці паблізу рэк, азёраў і лясоў. Пад перспектыўнае жыллё прапануюцца аднапавярховыя будынкі, якія ў мінулым былі сельскімі школамі, майстэрнямі, сталоўкамі ды іншымі адміністрацыйнымі аб'ектамі. Жылая плошча большай часткі гэтых будынкаў складае ад 150 да 280 квадратных метраў, плюс зямельны ўчастак не менш чым 20 сотак у працяглую арэнду, што дазваляе стварыць уласную сядзібу.

Як вядома, заканадаўствам устаноўлены гнуткі механізм паніжэння пачатковай цаны аб'ектаў дзяржуласнасці. Па шэрагу будынкаў пачатковая цана іх продажу ўжо паніжана на 80 працэнтаў, так што за асобныя аб'екты такой нерухомасці просяць усяго толькі ад пяці да пятнаццаці тысяч рублёў. Аўкцыённыя таргі з'яўляюцца адкрытымі. Прыняць удзел у іх або прысутнічаць пры іх правядзенні можа любы ахвотны. Падрабязную інфармацыю можна атрымаць на сайце камітэта.

Сяргей КУРКАЧ

Выбар рэдакцыі

Грамадства

Валанцёры супраць каранавіруса: адзін дзень з жыцця мінскага хаба ByCovid19

Валанцёры супраць каранавіруса: адзін дзень з жыцця мінскага хаба ByCovid19

Запушчаная кампанія па дапамозе медыкам ByCovid19 перарасла ў буйны «антыкаранавірусны» рух.

Культура

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Гэта была сенсацыя: у 2018 годзе быў паказаны страчаны фiльм Дзiгi Вертава.

Грамадства

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Маленькі прынц у аднайменнай казцы кожны дзень пачынаў з таго, што прыводзіў у парадак сваю планету. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чым бы дзіця ні цешылася, абы не плакала. Пажадана, каб нікога да слёз не даводзіла. Але ж бывае па-іншаму.