Сем парожніх вагонаў сышлі з рэек на перагоне Крупкі-Прыяміна ў Мінскай вобласці пры праездзе грузавога цягніка №3007 па першым галоўным пуці. Зменены графік руху некаторых пасажырскіх цягнікоў, паведамляе прэс-цэнтр БЧ.
Інцыдэнт адбыўся сёння ў 16.08. Усяго ў цягніку налічвалася 89 вагонаў, яны ішлі па маршруце Орша-Мінск.
"У цяперашні час праводзіцца работа па аднаўленні руху. Задзейнічаны аднаўленчыя цягнікі са станцый Орша-Цэнтральная і Мінск-Сартавальны. Пацярпелых няма, шкода экалогіі не нанесена", - адзначылі ў прэс-цэнтры.
Рух цотных і няцотных цягнікоў арганізаваны па другім галоўным пуці перагону. Зменены графік руху некаторых пасажырскіх цягнікоў. Так, цягнік міжрэгіянальных ліній бізнес-класа №704 Мінск-Віцебск, адпраўленнем з Мінска ў 17.04 ідзе змененым маршрутам праз Маладзечна, Полацк, цягнік міжрэгіянальных ліній эканомкласа №612 Баранавічы-Віцебск / Крычаў адпраўленнем з Баранавіч у 15.10 - ад станцыі Мінск-Пасажырскі праз Асіповічы, Магілёў.
"Больш падрабязную інфармацыю аб арганізацыі руху цягнікоў можна атрымаць у кантакт-цэнтры Беларускай чыгункі па тэлефоне 105. Прыносім прабачэнні ў пасажыраў за прычыненыя нязручнасці", - праінфармавалі ў БЧ.
Прычына здарэння высвятляецца. Для расследавання інцыдэнту створана спецыяльная камісія.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
