Вы тут

Што пасееш, тое і пажнеш (фотарэпартаж)


У паўночна-ўсходнім раёне Міншчыны — Крупскім — пачалося масавае жніво. Мне давялося пабыць на прадпрыемстве ААТ «Кляновічы», спецыялісты якога — і механізатары, і жывёлаводы — не першы год дэманструюць добрыя вынікі сваёй працы. На гэтым здымку якраз тыя людзі, без якіх немагчыма ўявіць ні пасяўную кампанію, ні тым больш жніво, — камбайнёр Аляксандр Мядзведзь (злева) і начальнік участка Аляксандр Веялка.


У мінулыя выхадныя шэсць збожжаўборачных экіпажаў гаспадаркі накіраваліся на хлебныя палеткі за вёску Калодніца: тут, на вытворчым участку «Цвеціна», пасеены шэсцьдзясят адзін гектар азімай пшаніцы. Не марудзячы, камбайны (большаць з якіх беларускай вытворчасці — «Палессе») сталі абмалочваць спелую збажыну і засыпаць у бункеры першыя тоны новага ўраджаю. Добраму настрою механізатараў спрыяла сонечнае і ў той жа час не спякотнае надвор'е.

— Азімая пшаніца нас сёлета радуе: колас у колас, быццам бы сцяна хлеба! — кажа начальнік участка «Цвеціна», аграном па спецыяльнасці Аляксандр Веялка, якому даручана адсочваць тэхналогію абмалоту.— Перад гаспадаркай пастаўлена задача максімальна знізіць страты хлеба!

Правесці сёлетняе жніво ў Кляновічах даручана вопытным хлебаробам, сярод якіх камбайнеры Уладзімір Якушэнка і Аляксандр Мядведзь, кіроўцы Юрый Кавалеўскі, Генадзь Каспяровіч, Сяргей Шанькоў. Кіроўца МАЗа 30-гадовы Юрый Кавалеўскі дзясяты год на жніве, летась быў удзельнікам абласных «Дажынак». А шафёр Сяргей Шанькоў — наогул легенда сельскай гаспадаркі: ён ужо сорак гадоў удзельнічае ў гэтай адказнай кампаніі.

Анатоль КЛЯШЧУК, фота аўтара

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.