Вы тут

Жыхароў Слоніма турбуе добраўпарадкаванне горада


Старшыня Гродзенскага аблвыканкама адзначыў рост зваротаў з гарадоў Ліда і Слонім. Гэта адны з самых вялікіх райцэнтраў рэгіёна. Так, Ліда ў ліку 11 гарадоў краіны ўвайшла ў комплексны план па паскораным развіцці. У Слоніме сёлета пройдзе Дзень беларускага пісьменства. Не дзіва, што жыхароў цікавіць, як будуць вырашацца праблемы жыццезабеспячэння гэтых населеных пунктаў.


Фота БЕЛТА.

Напрыклад, сланімчан турбуе добраўпарадкаванне горада. Яны звяртаюць увагу на стан дарог і дваровых тэрыторый. А між тым 1 верасня тут пройдзе рэспубліканскае свята — Дзень беларускага пісьменства. Чакаецца вялікая колькасць гасцей. І горад актыўна рыхтуецца да гэтай значнай падзеі, часткова вырашаюцца і пытанні добраўпарадкавання. Работа ў гэтым кірунку будзе працягнута, запэўніў Уладзімір Краўцоў. На гэтыя праблемы будзе скіравана ўвага не толькі раённых, але і абласных уладаў.

Намеціўся і рост зваротаў з Ліды. І гэта невыпадкова. У адпаведнасці з даручэннем кіраўніка дзяржавы ў краіне адпаведны комплексны план паскоранага развіцця 11 гарадоў з насельніцтвам больш за 80 тысяч чалавек. У гэты спіс увайшла і Ліда. Для раёна распрацаваны план паскоранага развіцця да 2020 года. У першую чаргу будуць вырашацца ключавыя праблемы рэгіёна, што павінна забяспечыць рост эканомікі і яе канкурэнтаздольнасць. У рэшце рэшт усе мерапрыемствы накіраваны на рост даходаў насельніцтва. Гэта павінна адбыцца за кошт мадэрнізацыі і эфектыўнага выкарыстання прамысловага, аграрнага, турыстычнага і прыроднага патэнцыялаў. Значная роля адводзіцца прадпрымальніцкай дзейнасці і нарошчванню экспарту. Мяркуецца, што падчас рэалізацыі комплекснага плана будуць зняты многія праблемы, якія хвалююць жыхароў Лідчыны, падкрэсліў Уладзімір Краўцоў.

Старшыня аблвыканкама заўважыў падчас размовы з журналістамі, што жыхары рэгіёна актыўна звяртаюцца на прамыя тэлефонныя лініі, якія праходзяць ва ўсіх раёнах Гродзеншчыны.

— Па-ранейшаму нямала пытанняў, якія датычацца камунальнай службы, а таксама будаўніцтва жылля. У краіне прыняты дзейсныя меры па падтрымцы шматдзетных сем'яў, аднак людзі імкнуцца ўдакладніць тое ці іншае пытанне. Да таго ж характар падыходаў да вырашэння такіх праблем разнастайны, і сем'і розныя, ёсць свае асаблівасці ў іх пражыванні, — адзначыў Уладзімір Краўцоў.

Па яго словах, жыхары рэгіёна часта тэлефануюць з нагоды выдзялення зямельных участкаў, а таксама наконт стану раёнаў індывідуальнай забудовы. Пакуль там шмат праблем, звязаных з інфраструктурай, не паўсюль добрыя дарогі і пракладзены інжынерныя сеткі.

Маргарыта УШКЕВІЧ

Загаловак у газеце: Ліда і Слонім у цэнтры ўвагі

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.