Часта мурашы робяцца для агароднікаў сапраўдным галаўным болем. Акрамя таго што насякомыя любяць ласавацца ягадкамі на ўчастку, яны яшчэ разносяць насенне пустазелля. Да таго ж усім вядома: дзе мурашкі, там і тля. А яна, у сваю чаргу, можа быць пераносчыкам вірусных хвароб.
Што рабіць, калі мурашыных дарожак поўна, а самога мурашніка не відаць?
Пачаставаць «даму»... і злыдні-мурашы знікнуць!
Купляем у аптэцы пакецік з борнай кіслатой і самую танную вату, высыпаем парашок у шклянку, напалову напоўненую вадой, дадаём 5 чайных лыжак цукру, старанна змешваем і пакідаем на 5 гадзін для лепшага растварэння.
Затым бяром 2 пустыя кансервавыя бляшанкі, напаўняем на 2/3 ватай і заліваем туды прыгатаваную сумесь. Каб на свежым паветры «вадзіца» не выпаралася занадта хутка, трэба пакінуць вечка, каб яно магло прыкрываць змесціва, пакідаючы невялікія шчыліны.
Бляшанкі ставім побач з месцамі збору мурашак.
Эфект сродку заключаецца ў тым, што шкоднікі, напіўшыся такой салодкай «вадзіцы», гінуць не адразу, а спачатку паўзуць у сваё сховішча і заражаюць суродзічаў (у тым ліку і матку — царыцу мурашак). Мурашы — страшэнныя ласуны. Таму такі спосаб эфектыўны на 99,9 %.
Вядома таксама, што ім не падабаецца пах піжмы, палыну горкага, палявой мяты і анісу. Зялёнае або высушанае лісце раслін раскладваюць у месцах збору насякомых.
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.