Вы тут

На форуме рэгіёнаў у Санкт-Пецярбургу падпісаны пагадненні аб супрацоўніцтве паміж Гродзенскай і Варонежскай абласцямі


На форуме рэгіёнаў у Санкт-Пецярбургу падпісаны пагадненні аб супрацоўніцтве паміж Гродзенскай і Варонежскай абласцямі.


Фота БЕЛТА

Дагавор датычыцца шырокага дыяпазону дзейнасці — ад гандлёва-эканамічнага да сацыяльна-гуманітарнага. Старшыня Гродзенскага аблвыканкама Уладзімір Краўцоў і губернатар Варонежскай вобласці Аляксандр Гусеў абмеркавалі будучыя крокі падчас двухбаковых перагавораў. Выяўлены агульныя сферы інтарэсаў у турызме, адукацыі, навуковай дзейнасці, інавацыйных тэхналогіях.

Напрыклад, пляцоўкай для рэалізацыі сумесных праектаў можа стаць тэхнапарк у Гродне. Першы будынак быў адкрыты летась, хутка з'явіцца яшчэ адзін. Рэзідэнты прыходзяць сюды са сваімі інавацыйнымі праектамі.

Паспяхова працуе ў Гродне і філіял рэспубліканскага Парка высокіх тэхналогій, які аб'ядноўвае каля двух дзясяткаў рэзідэнтаў і паўтары тысячы супрацоўнікаў. Сярод заказчыкаў — вядучыя сусветныя брэнды і вытворцы амаль з 90 краін. Ёсць і ўласныя праекты, якія арыентаваны ў тым ліку і на расійскі рынак.

Быў адзначаны патэнцыял у эканамічным кірунку, які пастаянна расце. Так, тавараабарот паміж Гродзенскай і Варонежскай абласцямі за мінулы год дасягнуў 33 мільёнаў долараў, тэмп росту склаў 232 %. Гродзенскі рэгіён адпраўляе ў расійскі сельскагаспадарчыя машыны, мэблю, малако, жмыхі, алей і іншыя тавары. Ёсць магчымасць пашырыць асартымент паставак. Каб гэтага дасягнуць, удзельнікі сустрэчы вырашылі стварыць рабочую групу, якая зоймецца вывучэннем рынкаў і пунктамі агульнага інтарэсу. З гэтай мэтай Уладзімір Краўцоў прапанаваў расійскаму рэгіёну прыняць удзел у міжнародным эканамічным бізнес-форуме «Еўрарэгіён «Нёман», які штогод праходзіць у Гродне і збірае некалькі сотняў удзельнікаў.

Яшчэ плануецца разгледзець магчымасць абмену вопытам у будаўніцтве анкадыспансераў. Абодва рэгіёны якраз пачынаюць ажыццяўляць гэтыя значныя праекты. У Гродне для анкацэнтра з пансіянатам і стацыянарам будзе рэканструяравана гарадкая бальніца, а таксама дабудаваны некалькі карпусоў. Частка сродкаў прадугледжана абласной і рэспубліканскай інвестпраграмамі.

Адным з перспектыўных кірункаў сумеснай дзейнасці можа стаць турызм. Гэтая сфера цікавіць расійскі рэгіён. І сапраўды, гродзенцам ёсць што прапанаваць: тут захаваліся сотні гістарычных помнікаў, ідзе рэканструкцыя вядомых замкаў, з'явілася нямала аб'ектаў турыстычнай інфраструктуры, распрацаваны новыя турыстычныя маршруты. Цікавымі будуць і аб'екты сусветнай спадчыны ЮНЭСКА. З чатырох беларускіх аб'ектаў тры знаходзяцца менавіта на Гродзеншчыне — гэта Белавежская пушча, Мірскі замак і геадэзічная дуга Струвэ.

Маргарыта УШКЕВІЧ

Фота БЕЛТА

Загаловак у газеце: Новы вектар Прынёмання

Выбар рэдакцыі

Тэатр

Барыс Цяцёркін: Я аднолькава ўлюбёны і ў тэатр, і ў кіно

Барыс Цяцёркін: Я аднолькава ўлюбёны і ў тэатр, і ў кіно

Артыст Купалаўскага тэатра —  пра дзяцінства, шлях да сцэны і вывучэнне беларускай мовы.

Грамадства

Праўда і міфы аб паўфабрыкатах

Праўда і міфы аб паўфабрыкатах

У Год якасці мы задалі навукоўцам нязручныя пытанні аб тым, што «ўнутры» магазіннай пельмешкі або катлеткі.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Для Блізнятаў надыходзіць тыдзень сур’ёзных змен у асабістым жыцці.

Адукацыя

Беларуская мадэль дашкольнай адукацыі: якасць, даступнасць, адказнасць

Беларуская мадэль дашкольнай адукацыі: якасць, даступнасць, адказнасць

У нашай краіне амаль 90 працэнтаў дзяцей ад года да шасці атрымліваюць дашкольную адукацыю.