Вы тут

Генадзь Салавей прызначаны новым кіраўніком Гомельскай вобласці


Генадзь Міхайлавіч Салавей нарадзіўся ў вёсцы Туполы Навагрудскага раёна Гродзенскай вобласці ў 1963 годзе. Скончыў Беларускую дзяржаўную сельскагаспадарчую акадэмію і Акадэмію кіравання пры Прэзідэнце Рэспублікі Беларусь. Працоўную дзейнасць пачынаў заатэхнікам калгаса імя Леніна Нясвіжскага раёна Мінскай вобласці. З 1989 па 2012 год працаваў старшым заатэхнікам, намеснікам старшыні, старшынёй СПК, затым дырэктарам ААТ «Лань-Нясвіж». З сакавіка 2012-га — першы намеснік старшыні — начальнік упраўлення сельскай гаспадаркі і харчавання Нясвіжскага райвыканкама. У 2012 — 2018 гадах кіраваў Клецкім райвыканкамам Мінскай вобласці, у сакавіку 2018 годзе вярнуўся ў Нясвіж у якасці старшыні раённага выканаўчага камітэта, а ў лістападзе гэтага ж года быў прызначаны на пасаду першага намесніка старшыні Гомельскага аблвыканкама.


«Пасады, на якія вы прызначаецеся, вельмі важныя, — звярнуўся Прэзідэнт да асоб, якія яму былі прадстаўленыя. — Будзь тое Гомель, аблвыканкам, пра што мы з вамі казалі, або наша ўніверсальная таварная біржа, дзе развіцця практычна ніякага, працуе так-сяк — там трэба наводзіць парадак. Або вазьміце завод — вельмі хацелася б, каб вынік быў. Гэта адзін з флагманаў нашай краіны. Не мала там зроблена, база ёсць, працаваць можна. Што датычна Віцебскай вобласці, так таксама вельмі шмат праблем. Там сёння вельмі сур’ёзна трэба разбірацца з сельскай гаспадаркай...»

Аляксандр Лукашэнка нагадаў нядаўнюю размову адносна развіцця Гомельшчыны. «Напэўна, гэта вобласць няпростая, канешне, там цэлы клубок праблем, і мне здаецца, нягледзячы на тое, што гэта самая паўднёвая вобласць, яна больш складаная, чым Віцебская. Там трэба вельмі сур’ёзна папрацаваць, пачынаючы ад севазвароту і заканчваючы прамысловымі гігантамі, пра што сведчыць сітуацыя на Гомсельмашы», — сказаў ён.

Трэба працаваць, вырашаць праблемы і ні ў якім разе не спыняцца, папярэдзіў Прэзідэнт. «Няма непераадольных сёння ў краіне перашкод. Апусціце рукі — патонем разам. Трэба дзейнічаць. Памыліцеся, паправіце на шляху. Наперад!» — даў наказ Прэзідэнт будучаму губерантару.

Гомельская вобласць заставалася без губернатара з вясны гэтага года, пасля таго, як Уладзімір Дворнік, які ўзначальваў вобласць на працягу 9 апошніх гадоў, быў прызначаны на пасаду віцэ-прэм’ера.

Вольга МЯДЗВЕДЗЕВА

Фота БЕЛТА

Выбар рэдакцыі

Тэатр

Барыс Цяцёркін: Я аднолькава ўлюбёны і ў тэатр, і ў кіно

Барыс Цяцёркін: Я аднолькава ўлюбёны і ў тэатр, і ў кіно

Артыст Купалаўскага тэатра —  пра дзяцінства, шлях да сцэны і вывучэнне беларускай мовы.

Грамадства

Праўда і міфы аб паўфабрыкатах

Праўда і міфы аб паўфабрыкатах

У Год якасці мы задалі навукоўцам нязручныя пытанні аб тым, што «ўнутры» магазіннай пельмешкі або катлеткі.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Для Блізнятаў надыходзіць тыдзень сур’ёзных змен у асабістым жыцці.

Адукацыя

Беларуская мадэль дашкольнай адукацыі: якасць, даступнасць, адказнасць

Беларуская мадэль дашкольнай адукацыі: якасць, даступнасць, адказнасць

У нашай краіне амаль 90 працэнтаў дзяцей ад года да шасці атрымліваюць дашкольную адукацыю.