Вы тут

Грозны–Мінск: мост дружбы


Пра чачэнска-­беларускія літаратурныя, гуманітарныя сувязі гаварылі  ў Літаратурным музеі  Янкі Купалы


Пісьменніца Лула Куні

Міністэрства інфармацыі Беларусі, выдавецтва “Мастацкая літаратура” й Літаратурны музей Янкі Купалы правялі круглы стол “Беларуска-чачэнскія гуманітарныя і літаратурныя адносіны”. У Дом Купалы, акрамя беларускіх пісьменнікаў, журналістаў, прыйшлі госці з Грознага — памочнік Кіраўніка Чачэнскай Рэспублікі, дырэктар Чачэнскай дзяржаўнай тэлерадыёкампаніі “Грозный” Ахмед Дудаеў, першы намеснік і намеснік дырэктара тэлерадыёкампаніі “Грозный” Ільман Вахідаў і Тамерлан Дайніеў, памочнік дырэктара Арбі Дакшукаеў.

Размова не выпадкова ішла ў Купалаўскім музеі. Яшчэ раней гэты асяродак літаратурнай памяці наведваў чачэнскі паэт Адам Ахматукаеў. Цяпер ён перадаў у Беларусь часопіс “Гоч” з “беларускім выпускам”, дзе ёсць і старонкі паэзіі Я. Купалы ў яго перастварэнні на чачэнскую мову. Дарэчы, Адам Ахматукаеў даслаў і сваё прывітанне кругламу сталу. З беларускага боку ўдзел у размове прынялі дырэктар выдавецтва “Мастацкая літаратура” Алесь Бадак, намеснік дырэктара гэтага выдавецтва паэт Віктар Шніп, адказны сакратар часопіса “Полымя” Юлія Алейчанка, галоўны рэдактар часопіса “Маладосць” Святлана Воцінава, радыёжурналіст і паэт Навум Гальпяровіч, дырэктарка Літаратурнага музея Янкі Купалы Алена Ляшковіч.

Несумненна, візіт у Беларусь дэлегацыі з Чачэнскай Рэспублікі паспрыяе пашырэнню літаратурных і медыйных стасункаў паміж Мінскам і Грозным. На сустрэчы ў музеі шматкроць згадвалася імя Лулы Куні (Лулы Жумалаевай), чачэнскай паэтэсы, перакладчыцы, журналісткі, заснавальніцы й галоўнай рэдактаркі часопіса “Нана” (“Маці”). На вялікі жаль, яна сёлета 28 красавіка пайшла з жыцця. Менавіта дзякуючы спадарыні Луле Куні ў Чачні з’явіліся новыя пераклады паэзіі, прозы сучасных пісьменнікаў. Асобнае месца ў развіцці літаратурных сувязяў паміж Беларуссю і Чачнёй займаюць такія выданні, як “Вайнах”, “Гоч”. А ў Беларусі вершы чачэнскіх паэтаў друкуюцца ў “Літаратуры і мастацтве”, “Полымі”, “Маладосці”.

Мікола Берлеж

Выбар рэдакцыі

Тэатр

Барыс Цяцёркін: Я аднолькава ўлюбёны і ў тэатр, і ў кіно

Барыс Цяцёркін: Я аднолькава ўлюбёны і ў тэатр, і ў кіно

Артыст Купалаўскага тэатра —  пра дзяцінства, шлях да сцэны і вывучэнне беларускай мовы.

Грамадства

Праўда і міфы аб паўфабрыкатах

Праўда і міфы аб паўфабрыкатах

У Год якасці мы задалі навукоўцам нязручныя пытанні аб тым, што «ўнутры» магазіннай пельмешкі або катлеткі.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Для Блізнятаў надыходзіць тыдзень сур’ёзных змен у асабістым жыцці.

Адукацыя

Беларуская мадэль дашкольнай адукацыі: якасць, даступнасць, адказнасць

Беларуская мадэль дашкольнай адукацыі: якасць, даступнасць, адказнасць

У нашай краіне амаль 90 працэнтаў дзяцей ад года да шасці атрымліваюць дашкольную адукацыю.