Вы тут

Chevrolet укараняе сістэму, якая не дазваляе ехаць непрышпіленым


Дарожна-транспартныя здарэнні па-ранейшаму з'яўляюцца асноўнай прычынай смерці падлеткаў у ЗША, таму кампанія Chevrolet пайшла на рашучыя меры і ўкараніла новую функцыю, якая не дазволіць аўтамабілю пачаць рух, пакуль кіроўца не прышпіліць рэмень бяспекі.


Не толькі ў нас кіроўцы і пасажыры не любяць прышпільвацца рамянямі бяспекі і прыдумляюць розныя спосабы абысці гэты абавязак, нягледзячы на хітрыкі вытворцаў аўтамабіляў. Паводле амерыканскай статыстыкі, з 37 133 чалавек, якія загінулі ў аварыях у 2017 годзе ў ЗША, 47 % не былі прышпілены рамянямі. Прычым самы нізкі працэнт выкарыстання рамянёў бяспекі — у падлеткаў.

Каб неяк выправіць сітуацыю, кампанія Chevrolet укараніла ў 2015 годзе сістэму Teen Drіver, якая дазваляе бацькам кантраляваць выкарыстанне аўтамабіля дзецьмі. У меню бартавога камп'ютара ключ запальвання можна наладзіць такім чынам, каб пры яго распазнанні актываваўся запраграмаваны абмежавальнік хуткасці, усе сістэмы бяспекі пераводзіліся ў найбольш строгі рэжым і ў дадатак абмяжоўваўся гук аўдыёсістэмы.

Змена настроек, зразумела, абаронена PІN-кодам. Але цяпер у стандартнае абсталяванне красовера Traverse, седана Malіbu і пікапа Colorado для амерыканскага рынку ўвойдзе і функцыя Buckle to Drіve. Яна не дазволіць перавесці селектар каробкі перадач з «паркінга» ў «драйв», калі кіроўца не прышпілены. Пры гэтым ён пачуе гукавы сігнал і ўбачыць папярэджанне на панэлі прыбораў.

Бацькі таксама змогуць паглядзець ў бартавым камп'ютары пройдзеную адлегласць, максімальную хуткасць, папярэджанні аб яе перавышэнні і колькасць спрацоўванняў сістэм бяспекі, у тым ліку антыблакіровачнай сістэмы тармазоў. Chevrolet разам са Страхавым інстытутам дарожнай бяспекі ЗША (ІІHS) правялі даследаванне, якое паказала, што дзякуючы гэтай функцыі падлеткі сталі прышпільвацца на 16 % часцей.

Іван КУПАРВАС

Выбар рэдакцыі

Тэатр

Барыс Цяцёркін: Я аднолькава ўлюбёны і ў тэатр, і ў кіно

Барыс Цяцёркін: Я аднолькава ўлюбёны і ў тэатр, і ў кіно

Артыст Купалаўскага тэатра —  пра дзяцінства, шлях да сцэны і вывучэнне беларускай мовы.

Грамадства

Праўда і міфы аб паўфабрыкатах

Праўда і міфы аб паўфабрыкатах

У Год якасці мы задалі навукоўцам нязручныя пытанні аб тым, што «ўнутры» магазіннай пельмешкі або катлеткі.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Для Блізнятаў надыходзіць тыдзень сур’ёзных змен у асабістым жыцці.

Адукацыя

Беларуская мадэль дашкольнай адукацыі: якасць, даступнасць, адказнасць

Беларуская мадэль дашкольнай адукацыі: якасць, даступнасць, адказнасць

У нашай краіне амаль 90 працэнтаў дзяцей ад года да шасці атрымліваюць дашкольную адукацыю.