Вы тут

Мультсерыял «Маша і мядзведзь» — самы прагляданы на Yоutubе ў 2019 годзе


Мультыплікацыйны серыял «Маша і мядзведзь» трапіў у Кнігу рэкордаў Гінеса-2019 як самы прагляданы на Yоutubе. Уявіце толькі: эпізод «Маша плюс каша» на 1 жніўня бягучага года набраў звыш 4 мільярдаў (!) праглядаў і ўвайшоў у топ-5 самых прагляданых відэазапісаў у інтэрнэце.


Ёсць у знакамітым спісе і іншыя рэкорды, звязаныя з тэлевізійнай індустрыяй — ёй прысвечаны цэлы раздзел. Так, самым папулярным тэлесерыялам сучаснасці чакана стала «Гульня тронаў» (шосты год запар праект узначальвае рэйтынг найчасцей спампаваных пірацкім чынам фільмаў і серыялаў). Таксама ў лідары сёлета трапіў акцёр Джым Парсанс — зорка сіткама СBS «Тэорыя вялікага выбуху», паводле звестак Fоrbеs, трэці год запар становіцца самым высокааплатным акцёрам тэлебачання.

Найбольш паспяховым кулінарным шоу ўкладальнікі кнігі назвалі MаstеrСhеf вытворчасці знакамітай галандскай «тэлефабрыкі» Еndеmоl — з моманту перазапуску ў 2005-м яно было прададзена ў 52 краіны свету, а найбольшую папулярнасць займела ў ЗША, шмат у чым дзякуючы вядучаму — шэф-повару Гордану Рамзі.

У спісе ранейшых цікавых тэлерэкордаў — самае працяглае бесперапыннае вяшчанне. Яго вяла швейцарская тэлекампанія Swіss-4 у 1996 годзе, асвятляючы 26-я летнія Алімпійскія гульні ў Атланце на працягу 16 дзён 22 гадзін 45 хвілін. А вось даўжыня самага кароткага рэкламнага роліка — дарэчы, у 1992 годзе ён прадстаўляў якраз чарговае выданне Кнігі рэкордаў Гінеса — склала ўсяго тры секунды.

Загаловак у газеце: Вось дык Маша!

Выбар рэдакцыі

Тэатр

Барыс Цяцёркін: Я аднолькава ўлюбёны і ў тэатр, і ў кіно

Барыс Цяцёркін: Я аднолькава ўлюбёны і ў тэатр, і ў кіно

Артыст Купалаўскага тэатра —  пра дзяцінства, шлях да сцэны і вывучэнне беларускай мовы.

Грамадства

Праўда і міфы аб паўфабрыкатах

Праўда і міфы аб паўфабрыкатах

У Год якасці мы задалі навукоўцам нязручныя пытанні аб тым, што «ўнутры» магазіннай пельмешкі або катлеткі.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Для Блізнятаў надыходзіць тыдзень сур’ёзных змен у асабістым жыцці.

Адукацыя

Беларуская мадэль дашкольнай адукацыі: якасць, даступнасць, адказнасць

Беларуская мадэль дашкольнай адукацыі: якасць, даступнасць, адказнасць

У нашай краіне амаль 90 працэнтаў дзяцей ад года да шасці атрымліваюць дашкольную адукацыю.