Вы тут

Партрэты ў інтэр'еры спадчыны


Вёска Заазер'е, пра якую я хачу расказаць у гэтых фотаздымках, знаходзіцца побач з дарогай Сянно — Чашнікі. Тут жывуць толькі пяць чалавек, тым не менш яна жывая і па-свойму цікавая, найбольш вядомая з усіх чатырох сенненскіх Заазер'яў. Справа ў тым, што тут узнікла адна з першых у раёне аграсядзіб. «Спадчынай» запраўляе чалавек з залатымі рукамі — майстар разьбы па дрэве Уладзімір Вільчынскі. Фігуры жывёл, птушак, а найбольш тыпажы сялян, зробленыя разьбяром, густоўна аздабляюць падворак аграсядзібы, надаюць гасцявой атмасферы ўтульнасць і вясёлы настрой.

— Чаму такая назва ў аграсядзібы — «Спадчына»? — пытаецца Вільчынскі пры сустрэчы і тут жа адказвае. — Гэта не толькі побытавыя рэчы вяскоўцаў, якія я сабраў, як музейныя экспанаты, але і сама вёска — яе немудрагелістая архітэктура, ландшафтны асяродак, прырода — гэта таксама спадчына для нас, хто адсюль родам. Лепш за ўсіх сказаў наш пясняр Янка Купала ў сваім вершы «Спадчына» — быццам пра нашу вёску.

Уладзімір Вільчынскі як сапраўдны краязнавец ашчадна захоўвае кожную звестку пра вёску як важную і каштоўную рэч. Яго разумеюць іншыя жыхары, якія і выбралі яго старастам вёскі. Заазер'е мае толькі адну вуліцу — пасляваенная планіроўка (у вайну вёска была спалена немцамі). На адным канцы жывуць два пчаляры — Уладзімір Гушча і Аляксандр Хрытановіч. На другім — Галіна Арол. У цэнтры паселішча ў матулінай хаце халасцякуе Аляксандр Кажарскі. Але ў садавіна-гароднінны сезон у Заазер'е ў бацькоўскія хаты вяртаюцца, нібыта птушкі з далёкага выраю, былыя жыхары, каб уволю адпачыць і набрацца сіл, надыхацца родным паветрам. Пры гэтым напрацавацца і вырасціць ураджай. І — чарговы раз пакінуць роднае гняздо. Галіна Палітыка і яе сын Рыгор з нявесткай Кацярынай кожнае лета «прапісваюцца» пад дахам дзедавай хаты.


Анатоль Кляшчук

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.