Вы тут

У Мінску прадставілі новы гарадскі аўтобус МАЗ-303


Мінскі аўтамабільны завод да свайго 75-годдзя выпусціў першы аўтобус трэцяга пакалення.


У новай мадэлі распрацоўшчыкі вырашылі сумясціць еўрапейскі дызайн з нацыянальнымі традыцыямі. Першынцам трэцяга пакалення стаў нізкападлогавы МАЗ-303. У «анфас» ён падобны да «міжгародніка», а зверху мае каларытную гарбінку, якая павінна нагадваць сілуэт зубра.

«Такіх аўтобусаў у Беларусі яшчэ не было. Многія элементы і дызайнерскія рашэнні ўжытыя намі ўпершыню. Яны задаюць тон і збольшага дэманструюць, як будуць выглядаць новыя мадэлі МАЗ. Нам было важна стварыць стыльны еўрапейскі аўтобус, які пры гэтым захаваў бы пераемнасць і перадаваў этнакультурны каларыт», — растлумачылі новы выгляд аўтобусаў на Мінскім аўтазаводзе.

Габарыты новай мадэлі: даўжыня — 12,43 метра, шырыня — 2,55 метра, вышыня — 3,1 метра. Салон размесціць да 110 пасажыраў у залежнасці ад камплектацыі, з іх 26 — на сядзеннях, магчымая таксама кампаноўка з 16 сядзеннямі на нізкай падлозе. МАЗ-303 абсталяваны турбадызельным рухавіком класа Еўра-6 ад Daіmler магутнасцю 299 «коней».

Салон аўтобуса выкананы па еўрапейскіх стандартах. Унутры папрастарнела, а ў пярэдняй частцы з'явіліся паўтарачныя сядзенні, зробленыя з клопатам пра мам з дзецьмі, пенсіянераў і іншых пасажыраў. Старанна прадуманы поручні, да таго ж на цэнтральнай пляцоўцы можна абаперціся на шырокую спінку. Вышыня падлогі — усяго 32 сантыметры, а для людзей на калясках усталяваная высоўная платформа з электрапрывадам.

Сярод навін — USB-парты для зарадкі смартфонаў і планшэтаў на ўсіх радах сядзенняў. За клімат у салоне адказваюць пяць ацяпляльнікаў і кандыцыянер, прычым апошні можа працаваць і на абаграванне. Месца кіроўцы таксама асучаснілі, зрабіўшы зручным і высокатэхналагічным. Камеры, напрыклад, забяспечаць 100-працэнтны агляд унутры і вакол аўтобуса.

Аўтобусы будуць прапаноўвацца для выкарыстання ў гарадах Беларусі, Расіі і іншых краін СНД. Чакаецца, што яны таксама атрымаюць «прапіску» ў еўрапейскіх гарадах і краінах Паўднёва-Усходняй Азіі.

Іван Купарвас

Выбар рэдакцыі

Тэатр

Барыс Цяцёркін: Я аднолькава ўлюбёны і ў тэатр, і ў кіно

Барыс Цяцёркін: Я аднолькава ўлюбёны і ў тэатр, і ў кіно

Артыст Купалаўскага тэатра —  пра дзяцінства, шлях да сцэны і вывучэнне беларускай мовы.

Грамадства

Праўда і міфы аб паўфабрыкатах

Праўда і міфы аб паўфабрыкатах

У Год якасці мы задалі навукоўцам нязручныя пытанні аб тым, што «ўнутры» магазіннай пельмешкі або катлеткі.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Для Блізнятаў надыходзіць тыдзень сур’ёзных змен у асабістым жыцці.

Адукацыя

Беларуская мадэль дашкольнай адукацыі: якасць, даступнасць, адказнасць

Беларуская мадэль дашкольнай адукацыі: якасць, даступнасць, адказнасць

У нашай краіне амаль 90 працэнтаў дзяцей ад года да шасці атрымліваюць дашкольную адукацыю.