Вы тут

У Мінску адкрылася «Трыенале маладых мастакоў»


І падалося выставай па захаванню традыцый.


Некалькі арганізатараў, у тым ліку Міністэрства культуры, аб'ядналі свае сілы, каб спецыяльнай падзеяй прадэманстраваць і папулярызаваць творчасць маладых беларускіх аўтараў. Для гэтага 15 сакавіка пачаўся прыём заявак на ўдзел у першым рэспубліканскім конкурсе «Трыенале маладых мастакоў». Што з гэтага атрымалася, наведвальнікі змаглі ўпершыню ўбачыць ўчора: 14 жніўня ў Палацы мастацтва адкрылася выстава, якая паказала вынік працы адборачнай камісіі конкурсу.

Выстава адкрылася і нікога не здзівіла: творы маладых аўтараў «старэйшае» за створанае стагоддзе таму. Экспазіцыя між тым — прамежкавы этап. За час яе працы журы павінна вызначыцца з пераможцамі ў васьмі намінацыях і ў выніку ўзнагародзіць аўтараў лепшых скульптуры, жывапісу, графікі, творы дэкаратыўна-прыкладнога мастацтва, наватарскага арт-праекта і гэтак далей. Галасуюць і наведвальнікі выставы, якія вызначаюць ўладальніка Прыза глядацкіх сімпатый.

Як сказала прадстаўнік Міністэрства культуры Ірына Дрыга, «на конкурс было пададзена каля двухсот заявак ад маладых мастакоў, мастацтвазнаўцаў і аўтараў куратарскіх праектаў ва ўзросце да 31 года». З гэтых заявак камісія адабрала каля ста сарака работ, што і выстаўлены зараз у Палацы мастацтва. 

Экспазіцыя будзе працаваць да 25 жніўня. Пераможцы конкурса атрымаюць дыпломы і грашовыя прэміі. Апроч Міністэрства арганізатарамі конкурса сталі Нацыянальны гістарычны музей, Акадэмія мастацтваў і Беларускі саюз мастакоў.

Сафія ПАЛЯНСКАЯ

Фота Кастуся ДРОБАВА

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.