Вы тут

У Лоеўскім раёне вучыліся захаванню гістарычнай і культурнай спадчыны малой радзімы


Дарэчы, на тэрыторыі Лоеўшчыны 125 аб'ектаў спадчыны. 54 з іх уключаны ў Дзяржаўны спіс гісторыка-культурнай спадчыны Рэспублікі Беларусь. Дэпутаты наведалі помнік архітэктуры першай паловы ХІХ стагоддзя — сядзібу графіні Бараноўскай, купецкі дом Далгіных, пабывалі ў Лоеўскім музеі бітвы за Дняпро, на мемарыяльным комплексе «Героям Дняпра» і ўсклалі кветкі на брацкім пахаванні.


Як расказала старшыня Лоеўскага раённага Савета дэпутатаў Ірына ПАСТУХОВА, менавіта помнікі гісторыі, звязаныя з Вялікай Айчыннай вайной, складаюць самую значную групу гісторыка-культурных каштоўнасцяў Лоеўскай шматпакутнай зямлі:

— Асобная размова пра помнікі археалогіі. Гэтая зямля ўтойвае ў сабе вытокі мясцовай культуры, захоўвае рэшткі старажытных селішчаў, сляды гаспадарчай дзейнасці чалавека, яго матэрыяльнай культуры. Тут навукоўцы і археолагі карпатліва збіраюць і аднаўляюць гістарычныя рэліквіі.

Супрацоўнікі музея бітвы за Дняпро паведамілі пра ўдзел у арганізацыі і правядзенні шэрагу вучэбных і кансультацыйных навукова-метадычных семінараў па ўвекавечванні памяці загінулых. Ва ўстанове пастаянна вядзецца работа па кансультаванні ўласнікаў і карыстальнікаў гісторыка-культурных каштоўнасцяў. (Размова пра выкананне ахоўных абавязацельстваў і рэжыму ўтрымання аб'ектаў гісторыка-культурнай спадчыны.)

Цяпер у музеі наладжана супрацоўніцтва з грамадскай арганізацыяй «Беларускі зялёны крыж»: арганізуюцца азнаямленчыя экскурсіі па аб'ектах спадчыны, актывізавалася краязнаўчая работа па вывучэнні малой радзімы. Так, з 2016 года пры музеі працуе сямейны клуб «Спадчыннікі Лоя». Яго дзейнасць накіравана на аб'яднанне энтузіястаў-аматараў, краязнаўцаў, гісторыкаў, навукоўцаў і патрыётаў сваёй малой радзімы ў мэтах вывучэння гісторыі Лоеўшчыны, захавання традыцый, прыцягнення моладзі да памнажэння спадчыны.

Сумесны праект Лоеўскага музея бітвы за Дняпро і Лоеўскай цэнтральнай раённай бібліятэкі мае назву «Захавальнікі спадчыны». Краязнаўцы і гісторыкі распрацавалі апытальнікі, ажыццяўляюць аналіз бібліяграфічных, археалагічных і гістарычных матэрыялаў, робяць аналітычны агляд айчыннай, замежнай літаратуры і мясцовага друку, а таксама вывучаюць сацыяльна-культурныя, архітэктурныя і эканамічныя матэрыялы. Навуковымі супрацоўнікамі створана база даных «Жыхары Лоеўскага краю, вывезеныя на прымусовыя работы ў Германію», збіраецца інфармацыя ў выглядзе інтэрв'ю і ўспамінаў людзей.

Тыя вёскі, якія непазбежна знікаюць з карты Лоеўскага раёна, супрацоўнікі музея імкнуцца захаваць у фотаздымках і нататках былых жыхароў. Сабрана больш за 700 электронных копій фатаграфій, на якіх — выявы мясцовых жыхароў і населеныя пункты раёна.

Ірына АСТАШКЕВІЧ

Загаловак у газеце: Занатавана краязнаўцамі

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.