Вы тут

Чэмпіянат Еўропы па муай-тай пройдзе з 4 да 11 лістапада


Адпаведны дагавор быў падпісаны старшынёй Беларускай федэрацыі кікбоксінга і тайландскага бокса, міністрам унутраных спраў Юрыем Караевым і віцэ-прэзідэнтам Еўрапейскай федэрацыі муай-тай Анатолем Сімончыкам.


Права прыняць наймацнейшых байцоў кантынента Мінск атрымаў нечакана, першапачаткова турнір павінен быў прайсці ў Іспаніі, але месца правядзення вырашылі змяніць. Нягледзячы на сціслыя тэрміны падрыхтоўкі да маштабнага спаборніцтва, Юрый Караеў адзначыў, што Мінск будзе гатовы прыняць турнір. «Мы вельмі сур'ёзна падыходзім да арганізацыі і лагістыкі. На чэмпіянаце свету ў Бангкоку, напрыклад, шлях ад гасцініцы да месца правядзення баёў быў доўгі, ды і самі ўмовы — складаныя. Побач — рынак, чад ад якога перашкаджаў спартсменам. Былі пытанні па харчаванні: арганізатары прапанавалі толькі тайскую кухню, а яна вельмі своеасаблівая. У Мінску ж мы пастараемся зрабіць так, каб усім было камфортна. Падчас чэмпіянату свету ў 2017 годзе ўдзельнікаў вазілі на «Лінію Сталіна». Спадабалася нават індусам, якіх шакіраваў нечаканы снег. Цяпер таксама прыдумаем якую-небудзь цікавую праграму», — адзначыў Караеў.

Плануецца, што ўдзел у кантынентальным форуме возьмуць атлеты больш чым з 35 краін.

Дар'я ЛАБАЖЭВІЧ

Загаловак у газеце: Нечакана, але прыемна

Выбар рэдакцыі

Культура

І зноў закружыць фестываль...

І зноў закружыць фестываль...

Яркімі фарбамі і самабытнай музыкай напоўніў горад XXІІІ Нацыянальны фестываль «Маладзечна-2024». 

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.