Вы тут

Сёння стартуе рэспубліканская акцыя МНС “У цэнтры ўвагі - дзеці!”


Пра гэта паведамілі ў Міністэрстве па надзвычайных сітуацыях.


З 19 жніўня па 10 верасня па ўсёй краіне ў два этапы пройдзе прафілактычная акцыя “У цэнтры ўвагі - дзеці!", скіраваная на прыцягненне ўвагі да праблемы траўматызму і гібелі дзяцей ад пажараў з прычыны пакідання іх без нагляду.

Першы этап з 19 па 31 жніўня пройдзе ў буйных гандлёвых цэнтрах і іншых аб'ектах гандлю, якія спецыялізуюцца на рэалізацыі тавараў для дзяцей, а таксама ў дзіцячых забаўляльных цэнтрах. У іх будуць размяшчацца тэматычныя зоны з супрацьпажарнай атрыбутыкай і інтэрактыўныя навучальныя пляцоўкі для прыцягнення ўвагі насельніцтва да існуючай праблемы. У якасці экспертаў выступяць інспектары МНС, якія раскажуць бацькам аб правілах бяспечных паводзін, якім трэба навучыць дзяцей.

Акрамя гэтага пакупнікі змогуць атрымаць яркія брашуры, буклеты, памяткі і календары, якія дапамагаюць на ілюстраваным прыкладзе эфектыўна запамінаць правілы бяспекі і карыстацца імі ў любы зручны час. Прычым, каб звярнуць увагу тат і мам на пытанні бяспекі, у аддзелах дзіцячага адзення на манекенах або вешалках, нібыта на продаж, выставяць камплекты баявога адзення ратавальніка, а ў аддзелах канцылярскіх прыладаў -- вогнетушыцелі і аўтаномныя пажарныя апавяшчальнікі.

Другі этап прымеркаваны да Адзінага дня бяспекі і пройдзе з 2 па 10 верасня. У рамках гэтага перыяду акцыя “наведае” ўстановы адукацыі, прадпрыемствы і арганізацыі, у якіх адбудзецца шэраг мерапрыемстваў. Найбольшая ўвага будзе надавацца адукацыйным установам: хлопчыкаў і дзяўчынак чакаюць урокі бяспекі і тэматычная наглядна-выяўленчая прадукцыя.

Важнае месца на гэтым этапе будзе адведзена рабоце з дарослымі: пройдуць інтэрактыўныя гутаркі, тэматычныя бацькоўскія сходы, а таксама гутаркі з працоўнымі калектывамі прадпрыемстваў і арганізацый, прысвечаныя тэме бяспекі.

У акцыі, апроч работнікаў МНС, прымуць удзел члены клубаў юных ратавальнікаў-пажарных, прадстаўнікі ўстаноў адукацыі і іншыя зацікаўленыя арганізацыі.

Акрамя гэтага, на працягу ўсіх этапаў акцыі МНС будзе актыўна супрацоўнічаць са сродкамі масавай інфармацыі. Так, у перыяд правядзення мерапрыемства на тэлебачанні будуць транслявацца тэматычныя відэаролікі, радыёэфір папоўніцца аудыяінфармацыяй, а ў розных відах з’явяцца артыкулы, скіраваныя на папярэджанне надзвычайных сітуацый з удзелам дзяцей.

Ратавальнікі заклікаюць памятаць, што менавіта дарослыя адказныя за бяспеку дзяцей. Яны павінны расказваць сваім дзецям аб правілах паводзін пры тых выпадках, калі яны застаюцца дома адны, і заўсёды быць для іх прыкладам ва ўсіх сітуацыях, што звязаны з захаваннем правіл бяспекі. Менавіта для гэтага МНС і праводзіць акцыю, каб кожнае дзіця на ўласным прыкладзе ніколі не даведалася пра трагедыі, да якіх можа прывесці дзіцячае свавольства.

Сяргей РАСОЛЬКА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.