Вы тут

Малююць дзеці Беларусь


У Даўгаўпілскім Цэнтры беларускай культуры падвялі вынікі конкурсу дзіцячых малюнкаў “Беларусь мая” і ўзнагародзілі пераможцаў


Адзін з конкурсных малюнкаў

Конкурс гэты ладзілі наш Цэнтры беларускай культуры ў супрацы з Генеральным консульствам Беларусі у Даўгаўпілсе, Беларускім культурна-асветніцкім таварыствам “Уздым”. Прысвячаўся ён стагоддзю беларускай нацыянальнай дзяржаўнасці. А 12 ліпеня ў Цэнтры беларускай культуры мы падводзілі вынікі конкурсу ды ўзнагароджвалі юных пераможцаў.

Больш за 30 вучняў школ Даўгаўпілса й Даўгаўпілскага краю паўдзельнічалі ў творчым спаборніцтве. І ўсе працы былі прадстаўлены на выставе “Беларусь мая”, што з 26 чэрвеня па 3 ліпеня экспанавалася ў Латгальскай цэнтральнай бібліятэцы. Выставу пабачылі таксама прадстаўнікі дзелавых колаў Латгаліі на прыёме, арганізаваным Генконсульствам Беларусі ў гонар Дня незалежнасці Рэспублікі Беларусь у Цэнтры культуры “Варпа”. А ўрэшце тыя дзіцячыя малюнкі вярнуліся ў ЦБК, дзе кампетэнтнае журы вызначыла пераможцаў у трох узроставых групах.

І вось — урачыстасць, узнагароджанне пераможцаў. Колькі радасці ў вачах юных мастакоў, іх родных! Дыпломы, салодкія прызы й прылады для малявання пераможцам уручалі Генеральны консул Беларусі Уладзімір Клімаў і кіраўніца ЦБК, старшыня беларускага таварыства “Уздым” Жанна Раманоўская. “Гледзячы на вашыя малюнкі, адразу разумееш, што на іх намалявана менавіта Беларусь, няхай гэта будуць нацыянальныя жывёлы бусел і зубр, танцоры ў народных строях ці сімвалы гарадоў”, — адзначыў, віншуючы пераможцаў, Уладзімір Клімаў.

Уладзімір Клімаў і Жанна Раманоўская віншуюць пераможцаў конкурсу

Ва ўзроставай групе 7–9 гадоў пераможцамі прызнаныя Лізавета Шушарт, Багдан Палтаронак ды Арвід Сантоцкі, у групе 10–12 гадоў — Саманта Доўгань, Караліна Бура ды Ксенія Лукашонак, у групе 13–15 гадоў — Надзея Чарнова, Марына Чарнова ды Караліна Казачонак. Спецыяльнымі прызамі адзначаны двое дзяцей з беларускай школы нядзельнага дня “Вясёлка”: за працу ў камандзе Акім Воранаў і як самая юная ўдзельніца конкурсу Кацярына Кузьміч.

Паэт, сябар Саюза пісьменнікаў Беларусі Станіслаў Валодзька павіншаваў вучняў з творчымі дасягненнямі. Ён прачытаў дзіцячыя вершы са свайго зборніка, які затым з дароўным надпісам уручыў юным мастакам.

Арганізатары ўдзячныя ўдзельнікам конкурсу, іх бацькам і педагогам за спагадлівасць, а таксама Латгальскай цэнтральнай бібліятэцы і Мастацкай школе “Саулес скола” — за падтрымку.

Жанна Раманоўская, кіраўніца Цэнтра беларускай культуры, г. Даўгаўпілс.

Фота аўтара.

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.