Вы тут

Святло добрых людзей


У Казані выдадзена кніга артыкулаў, нарысаў, творчых партрэтаў, прысвечаных народнаму паэту Татарстана Роберту Мінуліну. Ёсць у зборніку і беларускія старонкі.


Вядомы сучасны пісьменнік Татарстана не аднойчы наведваў Беларусь. У 2009 годзе ўдзельнічаў у Дні беларускага пісьменства ў Смаргоні. Тады ж праводзіўся й міжнародны круглы стол “Мастацкая літаратура як шлях адзін да аднаго”. Дарэчы, яшчэ задоўга да тае паездкі Роберт Мугалімавіч напісаў верш “Паланез Агінскага” — як прысвячэнне знакамітаму кампазітару Міхалу-Клеафасу Агінскаму.

У 2018 годзе татарскі паэт і перакладчык прыняў удзел у ІV Міжнародным сімпозіуме літаратараў “Пісьменнік і час”, які сабраў у Мінску прадстаўнікоў розных краін. Варта нагадаць, што ў Беларусі выйшла ўжо дзве кнігі вершаў Роберта Мінуліна. Адна з іх — “Начныя птушкі” — у серыі “Сябрына: Паэзія народаў Расіі” ў перакладзе на беларускую мову лаўрэата Дзяржаўнай прэміі Беларусі Міколы Мятліцкага.

У кнізе “Добры свет Роберта Мінуліна” — некалькі артыкулаў Алеся Карлюкевіча, якія прысвечаны татарскаму літаратару. Повязі яго з Беларуссю згадваюцца і ў расповядах іншых аўтараў — турэцкага літаратуразнаўцы Эрджана Алкая, кандыдата філалагічных навук з Алматы (Казахстан) Святланы Ананьевай. На здымках, змешчаных у кнізе, адлюстраваны сустрэчы Роберта Мінуліна з беларускімі літаратарамі Аляксеем Чаротам, Іванам Чаротам, Сяргеем Трахімёнкам, Алесем Бадаком, Васілём Жуковічам.

Мікола Берлеж

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.