Вы тут

73-гадовы вахцёр ў Мінску скраў 19 рухавікоў


Гэтыя падзеі разгортваліся ў адным са складскіх памяшканняў сталічнага прадпрыемства. У ім захоўваліся адпрацаваныя аўтамабільныя рухавікі, якія лічыліся на балансе як каляровы метал і металалом.


Гледзячы на ўсё гэта, прадпрымальны не па ўзросце 73-гадовы вахцёр, які сачыў за маёмасцю, вырашыў прыбраць яе да сваіх рук. У планах фігуранта было здаць рухавікі ў пункт прыёму другаснай сыравіны, а атрыманыя грошы патраціць, вядома ж, на ўласныя патрэбы. Справіцца з такой масай металу ў адзіночку дзядуля не змог. Тады вахцёр папрасіў пасадзейнічаць у гэтым сваіх знаёмых. Дарэчы, мужчыны нават не здагадваліся пра злачынны план вахцёра, бо думалі, што «жалеза» безгаспадарчае.

Калі на тэрыторыі прадпрыемства нікога не было, двое прыяцеляў сумесна з фігурантам патрапілі ў памяшканне, дзе захоўваліся запчасткі. Сумеснымі намаганнямі мужчыны змаглі вынесці 19 аўтамабільных рухавікоў агульнай вагой больш за чатыры тоны, якія затым вывезлі на аўтамабілі ў адну з вёсак Мінскага раёна.

Супрацоўнікамі крымінальнага вышуку Кастрычніцкага РУУС горада Мінска ў ходзе правядзення аператыўна-пошукавых мерапрыемстваў выкрадзеныя запчасткі былі выяўленыя ў гаражы, які належыць аднаму з таварышаў вахцёра. Ён затрыманы і змешчаны ў ізалятар часовага ўтрымання.

Як паведаміла супрацоўніца аддзела інфармацыі і грамадскіх сувязяў ГУУС Мінгарвыканкама Дар'я Бабок, цяпер даецца прававая ацэнка дзеянням пажылога зламысніка.

Канстанцін ЛЮТКЕВІЧ

Загаловак у газеце: Калі вахцёр — зусім не вахцёр...

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.