Вы тут

Да 2023 года мабільныя плацяжы і ў Беларусі стануць пераважаць над дэсктопам


Цяпер ужо нікога не здзіўляе той факт, што карыстальнікі часцей сталі плаціць мабільным тэлефонам, чым выкарыстоўваць стацыянарны камп'ютар. Пачынаючы з 2016 года такі трэнд стаў прасоўвацца найбольш актыўна. З таго моманту прырост на карысць «мабілы» склаў амаль два разы.


Прэс-сакратар кампаніі электронных плацяжоў Assіst Belarus Марына НАВАГРОДСКАЯ падзялілася цікавым штогадовым статыстычным аналізам інтэрнэт-плацяжоў у нашай краіне. Высветлілася, што сусветны трэнд аплатай смартфонам прыйшоў да нас тры гады таму і сёння ўжо складае больш за 45 %. Найбольшы скачок на карысць мабільных плацяжоў быў у 2017—2018 гадах. Пры гэтым да канца 2018 года доля карыстальнікаў у сусветным маштабе, якія аддаюць перавагу мабільным тэлефонам перад дэсктопам пры пакупках у інтэрнэце, дасягнула 58 %.

Анлайн-пакупкі ўсё яшчэ выклікаюць у спажыўцоў насцярожанасць, і ўсё ж скептыцызм зніжаецца. Трэнд на мабільныя плацяжы працягне расці. Эксперты чакаюць, што ўжо праз пару гадоў анлайн-пакупкі ў мабайле будуць складаць 90 % сярод карыстальнікаў смартфонаў, а ў Беларусі гэты паказчык дасягне 60 %. Чакаецца, што сусветны рынак такіх пакупак у найбліжэйшыя сем гадоў штогод стане прырастаць на 33 % у год і да 2025-га дасягне аб'ёмаў у 457 млрд долараў.

«Скачок аплат з дапамогай мабільных плацяжоў адбыўся ў першую чаргу з-за развіцця тэхналогій. Смартфон для карыстальніка стаў больш зручным сродкам для выхаду ў інтэрнэт. Інтэрнэт-трафік стаў нашмат лепшы, у першую чаргу хутчэйшы. У сувязі з гэтым сайты сталі хутка перабудоўвацца, і таму сёння практычна кожны з іх мае адаптыўны дызайн. Інтэрнэт-гандляры ў дадатак прапануюць карыстальнікам мабільныя праграмы сваіх віртуальных крамаў. Прагрэс не стаіць на месцы, а развіццё трэнду на мабільныя плацяжы будзе працягвацца, і ўжо да 2023 года плацяжы з дапамогай тэлефона будуць значна пераважаць над камп'ютарам», — адзначыў дырэктар Assіst Belarus Вячаслаў СЕНІН.

Сёння мабільныя плацяжы выкарыстоўваюць пераважна жыхары гарадоў, таму ў сельскай мясцовасці эксперты бачаць вялікі патэнцыял для росту. Галоўным жа фактарам, які прыцягвае спажыўцоў у цэлым да інтэрнэт-пакупак і плацяжоў, з'яўляецца магчымасць купіць без чэргаў, зрабіць папярэдні заказ, праверыць наяўнасць тавару і атрымліваць персанальныя бонусы. У той жа час прадаўцы ўсё гэта могуць даць пакупнікам, таму што продажы ў інтэрнэце прыносяць значную эканомію на арэндзе і іншых аперацыйных выдатках, звязаных з продажамі афлайн.

Сяргей КУРКАЧ

Загаловак у газеце: Смартфон становіцца сучасным кашальком

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.