Вы тут

​У нядзелю — слабы вецер, без ападкаў і тэмпература да 29 цяпла


Вось ужо сапраўды канец лета радуе нас. У выхадныя ў краіне ўсталюецца абсалютна камфортнае надвор'е, паведамілі спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Амаль увесь тыдзень у нас ішлі дажджы. І вось цыклоны — крыніцы дрэннага надвор'я, пакінулі нашу тэрыторыю, а на змену ім з Заходняй Еўропы зрушыўся антыцыклон, цэнтр якога заўтра ўдзень чакаецца над нашай краінай. Таму пад яго абаронай усталюецца цудоўнае надвор'е, толькі ў ранішнія гадзіны будзе даволі свежа...

Ужо сёння будзе суха, а вецер няўстойлівы і слабы. Максімальная тэмпература паветра ў разгар дня 23 жніўня дасягне 20—26 цяпла. Захавае свой уплыў антыцыклон і ў наступныя выхадныя. Застаючыся маларухомым над нашай тэрыторыяй, ён забяспечыць добрае летняе надвор'е. Будзе малавоблачна і без ападкаў. Уначы і раніцай месцамі прагназуецца слабы туман. Ноччу тэмпература паветра будзе ад плюс 8 да плюс 13 градусаў, у асобных раёнах нават пахаладае да плюс 5. Удзень паветра прагрэецца да 21—27 цяпла, у нядзелю па паўднёвым захадзе — да плюс 29 градусаў. Вецер чакаецца слабы, пераменных напрамкаў.

Па папярэдніх прагнозах айчынных сіноптыкаў, у пачатку наступнага тыдня надвор'е пачне фарміраваць заходняя, больш цёплая частка антыцыклону. Чакаецца пераважна без ападкаў, уначы і раніцай месцамі слабы туман. Вецер паўднёва-ўсходні ноччу слабы, удзень умераны. Тэмпература паветра ўначы складзе плюс 8—14 градусаў, удзень — 23—28 цяпла. У паўднёва-заходніх раёнах краіны ў начныя гадзіны прагназуецца да 15—17 цяпла, а ў сярэдзіне дня — да плюс 30 градусаў.

Сяргей КУРКАЧ

Загаловак у газеце: Цыклоны адступілі і добра

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.