24-26 жніўня ўносяцца змяненні ў работу сталічнага пасажырскага транспарту

Яны выкліканы прывядзеннем дарожных работ па праспекту Незалежнасці ад вуліцы П. Броўкі да вуліцы Талбухіна (няцотны бок).

Як паведамілі ў дзяржаўным прадпрыемстве "Мінсктранс", з 5 гадзін 24 жніўня да 5 гадзін 26 жніўня ўносяцца наступныя змяненні ў працу гарадскога пасажырскага транспарту:

— рух аўтобусаў маршруту № 91 арганізуецца ад праспекта Незалежнасці па вуліцах Талбухіна, К. Чорнага, Калініна і далей па маршруце ў прамым і зваротным напрамку;

— рух аўтобусаў маршруту № 89Э ў напрамку ДС "Уручча-2″ арганізуецца па вуліцах К. Чорнага, Талбухіна, праспекту Незалежнасці і далей па маршруце;

— рух аўтобусаў маршруту № 115Э ў напрамку АВ "Цэнтральны" арганізуецца ад Лагойскага тракту па вуліцы Валгаградскай, праспекту Незалежнасці і далей па маршруце.

Падчас правядзення дарожных работ на скрыжаванні праспекта Незалежнасці і вуліцы Талбухіна выезд аўтобусаў маршрутаў № 91 і № 89Э на праспект Незалежнасці будзе ажыццяўляцца па дзеючых схемах праз вуліцу Калініна.

Таксама ў перыяд правядзення дарожных работ у зоне пунктаў прыпынку "Ст. м. "Парк Чалюскінцаў", "Пл. Калініна", "Дом Друку" пры руху ў напрамку плошчы Я. Коласа будзе праведзена іх кароткачасовая адмена для ўсіх праходзячых маршрутаў.

Сяргей РАСОЛЬКА