Вы тут

Неабыякавыя грамадзяне на асабістым прыкладзе паказваюць, як зрабіць наваколле чыстым


Нягледзячы на тое, што для нашай краіны лета-2019 наўрад ці можна назваць «гарачым сезонам», нават невялікія цёплыя перыяды многія беларусы выкарыстоўваюць для паходаў на прыроду. Пры гэтым значная частка такіх візітаў, на жаль, заканчваецца з'яўленнем міні-звалак, якія турысты пакідаюць пасля сябе. Каб гэтага не адбывалася, паважаныя чытачы, не забывайце падчас свайго чарговага пікніка ці паходу захапіць з сабой смеццевыя пакеты і ачысціць месца адпачынку, нават калі смецце не ваша.


Грамадскі эколаг Дзмітрый Магілеўскі вучыць іншых не толькі сплаўляцца на байдарках, але і берагчы прыроду.

Так, напрыклад, зрабіў і грамадскі эколаг Мінска Дзмітрый МАГІЛЕЎСКІ — разам з сябрамі ён прыбраў участак берага ракі Свіслач пры праходжанні маршруту Мінск — Дукора.

«У нашай краіне велізарная колькасць рэк, і мы па меры магчымасці з сябрамі на выхадных адпраўляемся ў сплаў на байдарках. На жаль, пасля наведвання турыстамі вадаёмаў берагі застаюцца з горамі смецця. Таму, калі мы спыняемся, імкнёмся прыбраць і не даваць магчымасці развівацца несанкцыянаваным прыбярэжным звалкам, — расказаў Дзмітрый.

Часопіс «Родная прырода» і Мінпрыроды  запрашаюць неабыякавых людзей, якія дапамагаюць краіне вызваліцца ад смецця, дасылаць фота сваіх экалагічных акцый «да» і «пасля» з невялікім аповедам пра сябе, а таксама пра месца, дату і акалічнасці прыборкі на электронны адрас часопіса рrуrоdа@zvіаzdа.bу ці ў нашы групы УКантакце і Fасеbооk. Найлепшыя з іх будуць апублікаваныя на старонках «Роднай прыроды».

Вераніка КОЛАСАВА

Загаловак у газеце: Парадак на зямлі

Выбар рэдакцыі

Грамадства

Выбіраем аптымальную пару года для пахудзення. Спойлер: і гэта не лета!

Выбіраем аптымальную пару года для пахудзення. Спойлер: і гэта не лета!

Жыццё ў «эпоху спажывання» — сур’ёзнае выпрабаванне для чалавека.

Эканоміка

Нашы фінансы павінны прыносіць даход. Які? Вось у чым пытанне

Нашы фінансы павінны прыносіць даход. Які? Вось у чым пытанне

Адукаваныя людзі загадзя плануюць свой паток фінансаў, размяркоўваючы іх па перспектыўных напрамках, тым самым забяспечваючы сабе нябеднае жыццё.

Культура

Мінск 1941. Як гэта было

Мінск 1941. Як гэта было

Неба пачарнела ад самалётаў.