Вы тут

У Брэсце пройдзе нацыянальная філатэлістычная выстаўка


Дзясяты раз пройдзе ў Беларусі нацыянальная філатэлістычная выстаўка «Белфіла». Сёлета яе з 4 да 8 верасня прыме Брэст. Прысвечана яна 1000-годдзю са дня першай згадкі гэтага горада ў летапісных крыніцах.


На выстаўцы будзе прадстаўлена 146 калекцый з 16 краін: Азербайджана, Арменіі, Беларусі, Бразіліі, Германіі, ЗША, Ізраіля, Ірландыі, Казахстана, Літвы, Малдовы, Партугаліі, Польшчы, Расіі, Украіны, Чэхіі. Наша экспазіцыя прадэманструе ўсе этапы стварэння паштовай прадукцыі ў Беларусі. Кваліфікаванае журы будзе ацэньваць 62 экспанаты.

Да адкрыцця Х Нацыянальнай філатэлістычнай выстаўкі беларуская пошта падрыхтавала паштовы блок, канверт Першага дня і спецыяльны штэмпель «1000 гадоў з часу першай пісьмовай згадкі Брэста», а таксама мастацкі маркіраваны канверт і памятны штэмпель «Х Нацыянальная філатэлістычная выстаўка «Белфіла-2019».

Мерапрыемства арганізавана Міністэрствам сувязі і інфарматызацыі Рэспублікі Беларусь, рэспубліканскім унітарным прадпрыемствам паштовай сувязі «Белпошта», грамадскім аб'яднаннем «Беларускі саюз філатэлістаў». Гасцей чакаюць у памяшканні кінатэатра «Беларусь», які месціцца ў доме № 62 па вуліцы Савецкай.

Выбар рэдакцыі

Грамадства

Гісторыя ваеннага братэрства

Гісторыя ваеннага братэрства

«Нармандыя», што стала Нёманскай.

Рэлігія

200 гадоў пад заступніцтвам Пятра і Паўла

200 гадоў пад заступніцтвам Пятра і Паўла

Гомельскі кафедральны Свята-Петра-Паўласкі сабор — адзін з самых велічных праваслаўных храмаў Беларусі, адзін з нямногіх помнікаў архітэктуры зрэлага класіцызму, які захаваўся да нашых дзён.