Міністэрства сувязі і інфарматызацыі заўтра выпусціць у абарачэнне дзве паштовыя маркі з серыі «Традыцыйныя музычныя інструменты беларусаў».
На марках будуць адлюстраваны дуда, якая да сярэдзіны мінулага стагоддзя актыўна выкарыстоўвалася для акампанементу падчас танцаў і правядзення абрадаў, і лютня — старадаўні струнны шчыпковы музычны інструмент.
Дызайн марак распрацавала Яўгенія Бядонік. Яны аддрукаваны тыражом у 40 тысяч экзэмпляраў у вялікім лісце (па восем марак). Таксама яны выпушчаны і ў малым лісце па чатыры штукі. Тыраж гэтых лістоў складае 20 тысяч.
Праект падрыхтаваны пры садзейнічанні Нацыянальнай бібліятэкі і Дзяржаўнага музея гісторыі тэатральнай і музычнай культуры, а таксама майстра Юрыя Дубнавіцкага.
Спецыяльнае гашэнне на канверце «Першы дзень» адбудзецца 29 жніўня ў мінскім аддзяленні сувязі № 1.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
