Вы тут

У Мінскай вобласці склалі рэгіянальны рэйтынг


Камітэт эканомікі Мінскага аблвыканкама склаў рэйтынг раёнаў рэгіёна па 23 паказчыках сацыяльна-эканамічнага развіцця за першыя тры гады пяцігодкі і першае паўгоддзе 2019-га, паведамілі ў Мінаблвыканкаме.


Сярод крытэрыяў ацэнкі — сярэдняя заработная плата, узровень зарэгістраванага беспрацоўя, міграцыйныя прырост або змяншэнне, запазычанасць у выручцы ад рэалізацыі прадукцыі, тавараў або паслуг. «Дастаткова паглядзець, дзе людзі хочуць жыць, а дзе колькасць насельніцтва на працягу некалькіх гадоў пастаянна скарачаецца, каб адказаць на пытанне, якія рэгіёны з'яўляюцца прывабнымі, а якія знаходзяцца ў дэпрэсіўным стане», — пракаментавала старшыня камітэта эканомікі Мінаблвыканкама Таццяна Бранцэвіч.

У пяцёрку лідараў трапілі Смалявіцкі (першае месца за 2016—2018 гады і 9-е месца за першае паўгоддзе 2019-га), Дзяржынскі (другое і першае адпаведна), Мінскі (трэцяе), Салігорскі (чацвёртае і другое) раёны і горад Жодзіна (пятае). У буйных раёнах вобласці, такіх як Барысаўскі, Маладзечанскі і Салігорскі, распрацаваны планы паскоранага сацыяльна-эканамічнага развіцця. Зыходзячы з аналізу, праведзенага камітэтам эканомікі, можна зрабіць выснову, што Салігорскі раён развіваецца паскоранымі тэмпамі. У ім па выніках першага паўгоддзя назіраецца станоўчая міграцыя насельніцтва і самая высокая заработная плата.

Барысаўскі і Маладзечанскі раёны займаюць апошнія месцы ў табліцы па міграцыйным руху насельніцтва, маючы не самыя высокія тэмпы росту рэальнай заработнай платы. Тым не менш Барысаўшчына некалькі палепшыла сваё рэйтынгавае становішча (12/10), а па ўзроўні прамысловай вытворчасці мае паказчык вышэй за сярэднеабласны. Маладзечанскі раён апусціўся ў рэйтынгу з 10-га месца на 17-е. Гэта звязана са зніжэннем аб'ёмаў будаўніча-мантажных работ і невысокімі індэксамі вытворчасці прадукцыі сельскай гаспадаркі і рознічнага тавараабароту. Найбольш нізкія паказчыкі ў Вілейскага, Крупскага, Слуцкага, Капыльскага і Валожынскага раёнаў.

У цэлым эканамічны рост Мінскай вобласці сёлета ў першым паўгоддзі забяспечаны на ўзроўні 105,3 % (пры прагнозе 102,3 %). За сем месяцаў гэты паказчык склаў ужо 105,8 %.

(Ул. інф.)

Выбар рэдакцыі

Культура

Пошук вечнага жыцця

Пошук вечнага жыцця

Шмат разоў, збочыўшы з брэсцкай трасы, праязджаючы ад Міра да Карэліч, царкву на могілках каля вёскі Загор'е выхопліваеш літаральна за лічаныя секунды.

Спорт

Ірына Курачкіна заваявала серабро Алімпійскіх гульняў!

Ірына Курачкіна заваявала серабро Алімпійскіх гульняў!

 У фінале спаборніцтваў па жаночай барацьбе яна ўступіла японцы Рысака Каваі. 

Грамадства

Ацэнка дзеянняў урада і давер да апазіцыі — Мусіенка пракаментаваў вынікі сацапытання

Ацэнка дзеянняў урада і давер да апазіцыі — Мусіенка пракаментаваў вынікі сацапытання

Па заказе ЗАТ «Другі нацыянальны тэлеканал» — АНТ з 5 па 21 ліпеня Аналітычны цэнтр ЕсооМ з прыцягненнем фонду «Украінская палітыка» правёў

Палітыка

Літоўцы раскручваюць крывавую хвалю гвалту

Літоўцы раскручваюць крывавую хвалю гвалту

З беларуска-літоўскай граніцы працягваюць паступаць весткі, ад якіх проста кроў стыне ў жылах.