Вы тут

Што змянілася ў Беларусі 1 верасня


Банкі змяняюць працэнтныя стаўкі

Фота: pexels.com

З 1 верасня беларусаў чакае зніжэнне ставак па спажывецкіх крэдытах і па дэпазітах. На днях Нацбанк Беларусі апублікаваў новыя значэнні разліковай велічыні стандартнай рызыкі. Іх банкі выкарыстоўваюць як арыенцір пры стварэнні новых прадуктаў.

На 12,6% павышаецца тарыфная стаўка першага разраду

На 4,6 рубля павышаецца тарыфная стаўка першага разраду для аплаты працы работнікаў бюджэтных арганізацый, а таксама арганізацый, супрацоўнікі якіх прыроўнены па аплаце працы да бюджэтнікаў. Стаўка цяпер складзе 41 рубель.

Беларусбанк спыняе прыём грашовых перакладаў «Стрыж»

У Беларусбанку паведамілі, што з 1 верасня спыняецца прыём грашовых перакладаў праз сістэму «Стрыж». У банку рэкамендуюць выкарыстаць паслугу Беларусбанка па перакладзе грашовых сродкаў з выкарыстаннем банкаўскіх картак (іх рэквізітаў).

Зменяцца цэны на цыгарэты

Фота: pexels.com

У Беларусі з 1 верасня падаражэюць некалькі марак цыгарэт - на 5-10 капеек. Але пры гэтым некаторыя маркі цыгарэт нават патаннеюць. А кошты на тытунёвыя вырабы «Тытунь-Інвест» і «Энерга-Оил» застануцца без зменаў.

Можна афармляць «аўтаграмадзянку» ў электронным выглядзе

З 1 верасня 2019 года дамову абавязковага страхавання грамадзянскай адказнасці ўладальнікаў транспартных сродкаў можна будзе аформіць у электронным выглядзе. Дагавор можна будзе заключыць з асабістага камп'ютара ці праз любы гаджэт.

Змяняюцца правілы па некаторых страхоўках

Фота: finance-investissement.com

З 1 верасня ў Беларусі зменяць правілы афармлення некаторых страховак. Новаўвядзенні тычацца дагавораў на страхаванне жыцця, будынкаў, аўтамабіляў, дадатковай пенсіі. Ліміт страхавой кампенсацыі пры афармленні ДТЗ без выкліку ДАІ (так званы еўрапратакол) вырасце з 400 да 800 еўра. Знізяцца тарыфы па абавязковым страхаванні будынкаў для фізічных асоб - з 0,14 да 0,13 % ад страхавой сумы. Акрамя гэтага, беларусы змогуць афармляць дагаворы на страхаванне жыцця і дадатковай пенсіі на мінімальны тэрмін ад аднаго года. Цяпер ніжняя планка складае тры гады.

Ужо падаражэлі «хатні» тэлефон і паслугі пошты

«Белтэлекам» і «Белпошта» не сталі чакаць першага дня восені і ўжо падвысілі тарыфы на некаторыя паслугі з 28 жніўня. Такім чынам тарыфы на паслугі тэлефоннай сувязі выраслі ў сярэднім на 8,4 %. Што тычыцца тарыфаў на паслугі паштовай сувязі, то перасылка паштовай карткі, ліста або бандэролі масай да 20 г для фізічных асоб падаражэла з 48 капеек да 54 капеек. За кожныя наступныя поўныя або няпоўныя 20 г масы ліста або бандэролі цяпер трэба даплочваць не 4 капейкі, а 5.

АРІП зробіць больш зручным дрэва паслуг

Фота: zhodino-online.by

Да 1 верасня АРІП плануе завяршыць рэфармаваць дрэва паслуг. Так, у сістэме з'явяцца новыя падкатэгорыі паслуг, раздзелы і падраздзелы, некаторыя ж непапулярныя «схаваюць» углыб.

Сёння ў АРІП можна аплаціць больш за 50 тысяч паслуг. Лік вытворцаў паслуг у сістэме вырас да 16 тысяч. З-за гэтага ў некаторых карыстальнікаў узнікалі складанасці, як знайсці патрэбную паслугу ў дрэве. Гэта адна з прычын, чаму яго вырашылі спрасціць.

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.