Лінія звяжа Ухань і Эчжоў.
Ва Ухані, мегаполісе ў Цэнтральным Кітаі, ідзе будаўніцтва першай для горада міжгародняй лініі метро, перадае «Жэньмінь жыбаа» анлайн».
Гэдяньскі ўчастак Уханьскага метрапалітэна злучыць існуючую сетку метро горада, які з’яўляецца адміністрацыйным цэнтрам правінцыі Хубэй, з чыгуначнай станцыяй у суседнім горадзе Эчжоў. Будаўніцтва ўчастка (даўжынёй 3,7 км) абыдзецца ў 1,63 млрд юаняў ( 237 млн долараў). Як чакаецца, яно будзе завершана ў 2021 годзе, адзначыў старшыня праўлення Уханьскага метрапалітэна Чжан Цзюнь.
Новая лінія звяжа дзяржаўныя зоны тэхніка-эканамічнага развіцця ў двух гарадах і будзе спрыяць развіццю супрацоўніцтва ў галіне навукі і тэхнікі, прамысловасці і інфраструктуры паміж імі, сказаў Лю Хайцзюнь, мэр Эчжоў.
Ён перакананы, што гэта прыклад транспартнай інтэграцыі Уханьскай гарадской агламерацыі, якая ўключае ў сябе Ухань і восем гарадоў па суседстве і з’яўляецца адным з найбуйнейшых гарадскіх кластараў у Цэнтральным Кітаі.
Як работнікі МАЗа рыхтуюцца да выпрабаванняў у пустыні.
У зоне абслугоўвання — дзесяць вёсак.
На прасторах яе вялікасці кнігі.
