100slow. Кацярына Масэ

100slow

Маё першае блізкае знаёмства з «Маладосцю» адбылося ў 2016 годзе, калі мне прапанавалі выступіць на імпрэзе, арганізаванай часопісам у маім універсітэце. Літаральна праз год выйшла мая першая публікацыя ў «Маладосці», да якой спрычынілася Ірына Мяцеліца — колішняя супрацоўніца рэдакцыі. У той час, улетку 2017 года, яна рэдагавала маю кнігу вершаў, і мы сустракаліся ў памяшканні рэдакцыі часопіса, дзе я мела магчымасць крыху паназіраць за працэсам яго стварэння знутры. Пасля гэтага, на чацвёртым і пятым курсах універсітэта, я двойчы праходзіла ў «Маладосці» ўніверсітэцкую перакладчыцкую практыку, а на дадзены момант я вяду ў часопісе аўтарскую рубрыку і рэгулярна бяру ўдзел у «маладосцеўскіх» імпрэзах.

Кацярына МАСЭ