Вы тут

Расійскі бізнесмен не забывае пра родную вёску Лелікава


Уладкоўваць родную вёску Лелікава Іван Панасюк пачаў задоўга да таго, як у нашай краіне прагучаў заклік зрабіць унёсак у паляпшэнне родных гарадоў і вёсак. У 2006 годзе да 460-годдзя Лелікава расійскі бізнесмен і мецэнат пабудаваў тут сучасны тэнісны корт. Тады на адкрыцці аб'екта ён гаварыў, што хоча зрабіць гэты від спорту даступным для вясковых дзяцей. Займацца тут можна бясплатна, а корт адпавядае ўсім міжнародным стандартам, любыя спаборніцтвы можна праводзіць у Лелікаве. Пра гэта заявілі запрошаныя эксперты — вядомыя беларускія тэнісісты Уладзімір Ваўчкоў, Вольга Барабаншчыкава, прадстаўнікі Беларускай асацыяцыі тэніса.


Цяпер корт актыўна выкарыстоўваецца маладым пакаленнем вяскоўцаў, жыхарамі навакольных населеных пунктаў. Скажам, Андрэй Сацюк ездзіў сюды на заняткі з Дзівіна за сем кіламетраў у школьныя гады. І цяпер, калі Андрэй жыве і працуе ў Брэсце, кожныя выхадныя з сябрамі спяшаецца на корт. А бізнесмен гаворыць, што ён ставіў задачу зрабіць для землякоў недаступнае даступным. І гэта яму, несумненна, удалося.

У свой летні адпачынак Іван Панасюк з сям'ёй абавязкова едзе на малую радзіму. Тут ён узвёў сельскую сядзібу з гасцявым домам, дзе могуць спыняцца спартсмены і аматары тэніса. Як і многія дзелавыя людзі, Іван Паўлавіч жыве на некалькі краін. Значную частку часу праводзіць, напрыклад, у Іспаніі, дзе мае інтарэсы бізнесу. У Новасібірску кіруе Беларускім культурна-асветніцкім цэнтрам «У імя святой Ефрасінні Полацкай». І, вядома, шмат часу праводзіць у роднай вёсцы, дзе заўсёды дапамагае добраўпарадкаваннем цэркваў і могілак, іншых сельскіх славутасцяў амаль 500-гадовага Лелікава.

Святлана ЯСКЕВІЧ

Загаловак у газеце: Сын малой радзімы

Выбар рэдакцыі

Культура

Хто спявае па-беларуску?

Хто спявае па-беларуску?

Адмысловы плэйліст “Звязды” да Дня роднай мовы.

Грамадства

Каранавірус не стане «чорным лебедзем». Чым адгукнецца СОVІD-19?

Каранавірус не стане «чорным лебедзем». Чым адгукнецца СОVІD-19?

Удзельнікі чарговага пасяджэння праекта «Экспертнае асяроддзе» — «Каранавірус: эканоміка страху» ў прэс-цэнтры БелТА спрагназавалі, якія змены адбудуцца на сусветнай прасторы з-за сітуацыі з СОVІD-19.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра суботнік і цікавую гісторыю кахання.

Грамадства

Гомельскія вучоныя расшыфравалі геном жука-караеда

Гомельскія вучоныя расшыфравалі геном жука-караеда

Каля 80 тысяч гектараў хваёвых лясоў Беларусі за апошнія тры гады пацярпелі ад высыхання — іх пашкодзіў жук-караед.