Вы тут

Помнік вялікаму князю Гедыміну адкрылі ў Лідзе


Помнік вялікаму князю літоўскаму Гедыміну адкрылі сёння ў Лідзе, паведамляе БЕЛТА.


Манументальная скульптура стала адным з падарункаў гораду, які сёння адзначае сваё 696-годдзе. Яе ўсталявалі насупраць старажытнага Лідскага замка. Выбар месца быў невыпадковым - пачатак будаўніцтва замка звязваюць з імем Гедыміна. Вага бронзавай коннай статуі каля 3 т, яе вышыня - 6 м. Аўтарамі працы выступілі скульптары Вольга Нячай і Сяргей Аганаў.

У рэканструяваным замку адкрылася тэматычная выстава, а ўнутраны двор стаў арэнай для баёў: традыцыйна ў Дзень горада ў Лідзе праводзіцца рыцарскі турнір. Яго ўдзельнікі сталі часткай тэатралізаванага дзейства з нагоды адкрыцця помніка.

Ключавой падзеяй свята стаў фестываль хмеля, соладу і вады LIDBEER-2019, які штогод збірае ў Лідзе дзясяткі тысяч гасцей з усёй краіны і з-за мяжы. Нязменны атрыбут свята - велізарны фуд-корт. Традыцыйна ў рамках фестывалю арганізаваны экскурсіі на мясцовы піўзавод.

Выбар рэдакцыі

Эканоміка

Распрацоўшчыкі — пра новы Падатковы кодэкс Рэспублікі Беларусь

Распрацоўшчыкі — пра новы Падатковы кодэкс Рэспублікі Беларусь

Летась Падатковы кодэкс Беларусі зазнаў істотныя змяненні.

Калейдаскоп

Вясёлыя гісторыі чытачоў

Вясёлыя гісторыі чытачоў

Любачка і На варце маёмасці.

Грамадства

Як будзе праходзіць перапіс насельніцтва

Як будзе праходзіць перапіс насельніцтва

Старшыня Нацыянальнага статыстычнага камітэта Іна МЯДЗВЕДЗЕВА адзначае, што іх ведамства разлічвае перапісаць максімальную колькасць грамадзян з дапамогай укаранёных інавацый.