Вы тут

У Баранавічах выкрадальнік пашпарта заснуў у чужой машыне


У міліцыю з заявай аб крадзяжы галоўнага дакумента звярнуўся 29-гадовы жыхар Баранавічаў. Ён паведаміў, што невядомы ноччу з яго аўтамабіля “Фольксваген Пасат”, прыпаркаванага на вуліцы Прытыцкага, выкраў пашпарт грамадзяніна Рэспублікі Беларусь.


Праваахоўнікі змаглі высветліць абставіны інцыдэнту і ўстанавіць асобу падазраванага ў злачынстве. Выкрадальнікам быў 22-гадовы жыхар горада, раней судзімы за рабаванне.

Па інфармацыі Баранавіцкага ГАУС, ноччу зламыснік, будучы ў стане алкагольнага ап'янення, шпацыраваў па неахоўнай аўтамабільнай стаянцы. Заўважыўшы незачынены аўтамабіль, мужчына залез у яго салон. З машыны ён узяў толькі пашпарт грамадзяніна Рэспублікі Беларусь.

Затым, маючы намер пажывіцца яшчэ, злодзей знайшоў іншы аўтамабіль, які таксама быў не зачынены, і пранік у яго. Аднак там жа і заснуў з чужым пашпартам у кішэні. Раніцай уладальнік машыны, убачыўшы невядомую асобу ў салоне, адразу выклікаў міліцыю.

Заведзена крымінальная справа па артыкуле за крадзеж альбо знішчэнне асабістых дакументаў.

Сяргей РАСОЛЬКА

Выбар рэдакцыі

Грамадства

Як змагацца з шумнымі суседзямі?

Як змагацца з шумнымі суседзямі?

Перш чым ісці вайной на суседзяў, варта вывучыць «Правілы карыстання жылымі памяшканнямі».

Эканоміка

Чым здзівіць «БЕЛАГРА-2024»?

Чым здзівіць «БЕЛАГРА-2024»?

У рамках дзелавой праграмы выставы пройдзе каля 20 тэматычных семінараў і канферэнцый.