Вы тут

Жонка пакінула мужа аднаго, а па вяртанні выявіла прапажу маёмасці


Сталічныя праваахоўнікі затрымалі 57-гадовую жанчыну, якая скрала ў новага знаёмага каштоўнасці і чайны сервіз.


Па інфармацыі ГУУС Мінгарвыканкама, 50-гадовы мужчына, скарыстаўшыся адсутнасцю жонкі, вырашыў запрасіць у госці новую знаёмую. Пасля застолля гаспадар заснуў, пакінуўшы ў адзіноце 57-гадовую госцю, чым жанчына і скарысталася. Сыходзіць з пустымі рукамі яна не захацела, таму, агледзеўшы кватэру, знайшла каштоўнасці і чайны сервіз гаспадыні, з чым і пакінула памяшканне.

Неўзабаве дадому вярнулася жонка мужчыны. Не знайшоўшы ўпрыгожванняў і сервіз, жанчына запатрабавала ад мужа тлумачэнняў, але, не дамогшыся выразнага адказу, звярнулася па дапамогу ў міліцыю. Мужчына распавёў праваахоўнікам аб госці, аднак дадзеных яе назваць не змог, бо быў знаёмы з ёй толькі адзін вечар. Падчас аператыўна-вышуковых мерапрыемстваў жанчына была знойдзена і затрымана. Як аказалася, выкрадзеную маёмасць тая схавала ў кустах каля вадасховішча Дразды. У далейшым яна планавала прадаць упрыгажэнні, а атрыманыя грошы выдаткаваць на ўласныя патрэбы. Прычыненая шкода склала каля 400 рублёў. Вядома, што раней жанчына да крымінальнай адказнасці не прыцягвалася.

Сяргей РАСОЛЬКА

Выбар рэдакцыі

Грамадства

«Шэрая» зарплата — сумныя вынікі

«Шэрая» зарплата — сумныя вынікі

Што губляюць работнік і дзяржава?

Рэгіёны

Наперадзе — лета! Ці гатовыя тэрыторыі дзіцячага адпачынку прыняць гасцей?

Наперадзе — лета! Ці гатовыя тэрыторыі дзіцячага адпачынку прыняць гасцей?

Вучэбны год завяршаецца для 1,1 мільёна беларускіх школьнікаў, з іх 107,8 тысячы заканчваюць 9-я класы і 57,5 тысячы — 11-я.

Грамадства

У чым пайсці на выпускны баль?

У чым пайсці на выпускны баль?

 Паглядзім, што раяць стылісты і што рэальна набыць у нашых шыротах, пажадана не ўганяючы бацькоў у даўгі.