Вы тут

Дзяржінспектары затрымалі зборшчыкаў канопляў у Калінкавіцкім раёне


І знайшлі месца, дзе яны раслі, паведамілі ў Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь.


Падазроны “гербарый” выявілі работнікі Мазырскай міжрайінспекцыі ў аўтамабілі, спыненым для праверкі каля вёскі Агароднікі. У машыне ехалі трое мужчын, усе жыхары Хойнікаў, у багажніку аўто яны перавозілі два пакеты, напоўненых свежасабранымі раслінамі - меркавана, дзікарослымі каноплямі.

Затрыманыя нездарма апынуліся раніцай амаль за 30 кіламетраў ад свайго дома. Непадалёк ад месца прыпынку іх аўтамабіля пазней праваахоўнікі выявілі поле з забароненымі дзікаросамі плошчай каля 0,5 гектара. Канфіскаваныя расліны адправілі на экспертызу. Мужчынам пагражае крымінальная адказнасць за незаконны абарот наркатычных сродкаў, псіхатропных рэчываў, іх прэкурсораў і аналагаў.

Сяргей РАСОЛЬКА

Выбар рэдакцыі

Грамадства

Першая дапамога дзецям пры траўмах. Што трэба ведаць?

Першая дапамога дзецям пры траўмах. Што трэба ведаць?

​Дастаткова часта дзецi трапляюць у крытычныя сiтуацыi праз сваю цiкаўнасць i павышаную актыўнасць.

Культура

Распавядаем, што паглядзець на сёлетнім «Славянскiм базары ў Вiцебску»

Распавядаем, што паглядзець на сёлетнім «Славянскiм базары ў Вiцебску»

Сёлета ён пройдзе ўпершыню выключна пад адкрытым небам.

Культура

На якія раскопкі чакаюць валанцёраў?

На якія раскопкі чакаюць валанцёраў?

Увесь лiпень працуе археалагiчны летнiк «Наўры-2020».