Вы тут

У Калінкавіцкім раёне паляўнічы на птушку незаконна падстрэліў лася


Раніцай супрацоўнікі Мазырскай інспекцыі аховы жывёльнага і расліннага свету атрымалі інфармацыю пра незаконнае паляванне на тэрыторыі ўгоддзяў Калінкавіцкага лясгаса. Егер гаспадаркі выявіў на полі каля вёскі Вялікія Аўцюкі прыкапаныя рэшткі лася. Такое паляванне тут у бліжэйшыя дні не праводзілася. Інспектары выехалі для разбору.


На вынятай шкуры выявілі некалькі шротавых адтулін. Гэта навяло на думкі, што браканьерам мог апынуцца паляўнічы, які знаходзіўся ва ўгоддзях на законных падставах з сезоннай пуцёўкай на птушку. Аб'яднаўшы намаганні са следча-аператыўнай групай, інспектары вырашылі праверыць паляўнічых у бліжэйшых вёсках.

У аднаго з жыхароў вёскі Гулевічы, сапраўды, на верандзе знайшлі мяса лася агульнай вагой 153 кілаграмы. Мужчына з'яўляецца паляўнічым і мае зарэгістраваную стрэльбу. Ён прызнаўся ў незаконнай здабычы лася. У дачыненні да падазраванага распачата крымінальная справа, прычыненая прыродзе шкода ацэньваецца ў 7650 рублёў.

Сяргей РАСОЛЬКА

Выбар рэдакцыі

Грамадства

Першая дапамога дзецям пры траўмах. Што трэба ведаць?

Першая дапамога дзецям пры траўмах. Што трэба ведаць?

​Дастаткова часта дзецi трапляюць у крытычныя сiтуацыi праз сваю цiкаўнасць i павышаную актыўнасць.

Культура

Распавядаем, што паглядзець на сёлетнім «Славянскiм базары ў Вiцебску»

Распавядаем, што паглядзець на сёлетнім «Славянскiм базары ў Вiцебску»

Сёлета ён пройдзе ўпершыню выключна пад адкрытым небам.

Культура

На якія раскопкі чакаюць валанцёраў?

На якія раскопкі чакаюць валанцёраў?

Увесь лiпень працуе археалагiчны летнiк «Наўры-2020».