Вы тут

У Стоўбцах падлетка прысудзілі да 13 гадоў калоніі за забойства настаўніцы і вучня


Мінскі абласны суд вынес абвінаваўчы прысуд у дачыненні да навучэнца сярэдняй школы №2 Стоўбцаў, які абвінавачваўся ў наўмысным жорсткім забойстве на тэрыторыі школы двух чалавек, паведамляе БЕЛТА.


Па справе ўстаноўлена, што малады чалавек 2003 года нараджэння з хуліганскіх падахвочванняў здзейсніў забойства двух чалавек - настаўніка і вучня, а таксама спрабаваў забіць яшчэ двух.

Прадметам судовага разбору таксама сталі факты здзяйснення падлеткам асабліва злоснага хуліганства з ужываннем прадметаў, якія выкарыстоўваюцца ў якасці зброі для прычынення цялесных пашкоджанняў.

Пагадзіўшыся з пазіцыяй дзяржаўнага абвінаваўцы, па сукупнасці гэтых злачынстваў малады чалавек асуджаны да 13 гадоў пазбаўлення волі з адбываннем пакарання ў выхаваўчай калоніі.

Як адзначылі ў Генпракуратуры, рашэнне суда сведчыць аб тым, што падлетак прызнаны ў стане свядомасці ў дачыненні да зробленага і што здзяйсненне ім злачынстваў абумоўлена хуліганскімі матывамі, то ёсць імкненнем праявіць відавочную непавагу да грамадства і прадэманстраваць грэбаванне да агульнапрынятым правілах паводзінаў.

Прысуд суда не ўступіў у законную сілу і можа быць абскарджаны і апратэставаны ва ўстаноўленым законам парадку.

Трагедыя ў сярэдняй школе №2 горада Стоўбцы адбылася 11 лютага. Вучань 10-га класа ўдарыў нажом настаўніцу гісторыі і грамадазнаўства і вучня 11-га класа. Яны памерлі на месцы здарэння. Як раней паведамляла следства, падлетак кіраваўся хуліганскімі матывамі і незадоўга да здзяйснення забойства нанёс удар малатком свайму аднакласніку. Той атрымаў ранку. Па заключэнні комплекснай стацыянарнай псіхолага-псіхіятрычнай экспертызы, праведзенай ДКСЭ ў дачыненні да падлетка, ён мог у поўнай меры ўсведамляць значэнне сваіх дзеянняў і кіраваць імі.

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.