Сапраўднае застолле і канцэрт лірнікаў, дзіцячая пляцоўка, кніга-дыск «Бяседныя песні», супольныя спевы і танцы. Усё гэта абяцае гасцям фолк-фэст традыцыйнай музыкі Rajok, што пройдзе ў гэтыя выхадныя, 14 і 15 верасня, у сталіцы на пляцоўцы Нацыянальнага гістарычнага музея.
Арганізатар свята музыкант і этнограф Сяргей Доўгушаў расказвае, што праводзіць лета і заклікаць восень прыедуць аўтэнтычныя выканаўцы з Палесся: сёстры Лук'яновіч, мужчынскі калектыў «Рада», гурты «Церабяначка» і «Хатовічы», якія не толькі прывязуць беларускія жніўныя спевы, але і пакажуць абрады, пры якіх тыя выконваліся. Маладыя этна-выканаўцы паспаборнічаюць у адмысловым конкурсе, а вопытныя майстры правядуць для ахвотных майстар-класы па ігры на дудках, гармоніку, скрыпцы. Акрамя таго, пакажа свой монаспектакль «Дарожка» Іван Кірчук, лідар этна-трыа «Троіца», прадэманструюць арганічны сплаў традыцый і сучаснасці гурты Rel1kt і Vuraj. Завершыць двухдзённую праграму вечарына народных танцаў.
Вікторыя ЗАХАРАВА
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
