Вы тут

Выдавецкі дом «Звязда» прэзентуе дзіцячыя кнігі ў Батанічным садзе


Цэнтральны батанічны сад падрыхтаваў падарунак Мінску і яго жыхарам на Дзень горада. 14 і 15 верасня тут адбудзецца сапраўднае свята мастацтва і творчасці для ўсёй сям’і пад назвай «Чароўны сад». Тэатральныя перфомансы, музыкальныя канцэрты і флэшмобы, квэсты з падарункамі для дзяцей і дарослых, майстар-класы па маляванні і танцах, гучныя чытанні і сустрэчы з пісьменнікамі...


Не застаўся ў баку і Выдавецкі дом «Звязда». У спецыяльнай літаратурнай зоне Батанічнага сада сваю творчасць прадставяць нашы дзіцячыя аўтары — Павел Гушынец (аўтар зборнікаў іранічных апавяданняў «Дзяўчынка і кракадзіл» і «Тата, раскажы пра мяне гісторыю») і Надзя Бука (аўтар кніг «Бася і Піглас» і «Бася і яе чароўны свет»). На сустрэчах з пісьменнікамі вы даведаецеся, за каго трэба есці апошнюю лыжачку кашы, як дзяўчынкам знайсці агульную мову з хлопчыкамі-задзірамі і чаму гораду пагражае небяспека, калі дзеці будуць злавацца ці зайздросціць. А яшчэ вы зможаце набыць кнігі з аўтографамі аўтараў на стэндзе Выдавецкага дома «Звязда». Вось расклад выступленняў пісьменнікаў у літаратурнай зоне:

Субота, 14 верасня

  • 11.30 — Надзя Бука
  • 12.15 — Павел Гушынец

Нядзеля, 15 верасня

  • 13.00 — Павел Гушынец
  • 14.00 — Надзя Бука

Завітайце ў «Чароўны сад» разам з дзецьмі!

Алена КАРПЕНКА

Выбар рэдакцыі

Грамадства

Як змагацца з шумнымі суседзямі?

Як змагацца з шумнымі суседзямі?

Перш чым ісці вайной на суседзяў, варта вывучыць «Правілы карыстання жылымі памяшканнямі».

Эканоміка

Чым здзівіць «БЕЛАГРА-2024»?

Чым здзівіць «БЕЛАГРА-2024»?

У рамках дзелавой праграмы выставы пройдзе каля 20 тэматычных семінараў і канферэнцый.