Вы тут

Кошты на нафту падскочылі пасля нападу ў Саудаўскай Аравіі


Цэны на нафту дасягнулі максімуму за чатыры месяцы пасля суботніх нападаў на нафтавыя аб'екты ў Саудаўскай Аравіі. Гэтыя напады з дапамогай дронаў вывелі з ладу магутнасці, якія ажыццяўляюць больш за 5% сусветных паставак нафты, паведамляе ВВС.


У пачатку таргоў у панядзелак цана на нафту маркі Brent падскочыла на 19% і склала $71.95 за бараль. Цана бараля нафты маркі West Texas Intermediate паднялася на 15% да $63.34.

Цэны крыху знізіліся пасля таго, як прэзідэнт ЗША Трамп абвясціў аб тым, што скарыстаецца амерыканскім нафтавым рэзервам, каб папоўніць недахоп нафты на рынку.

Кошт маркі Brent пасля гэтага апусціўся да $68.06 за бараль, такім чынам агульны ўздым склаў 13%. Амерыканскія ф'ючарсы West Texas падняліся на 11% да $61.10.

Напады ўзмацнілі трывогу інвестараў з нагоды агульнай геапалітычнай сітуацыі на Блізкім Усходзе і пагаршэння адносін паміж Вашынгтонам і Тэгеранам.

Гэтыя страхі прывялі, у прыватнасці, да росту цэны на золата на азіяцкіх рынках на 1%.

Спатрэбіцца некалькі тыдняў, перш чым аб'екты ў Абкайке і Хураісе, якія падвергліся нападу, зноў запрацуюць.

Здабыча нафты ў Саудаўскай Аравіі скарацілася прыкладна на 5,7 млн ​​бараляў у суткі, гэта каля 50% ад агульнай здабычы нафты ў краіне.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».