Вы тут

Штотыднёвы спартыўны агляд «Звязды»


У штотыднёвым спартыўным аглядзе «Звязды» расказваем пра найбольш актуальныя падзеі выхадных.


1. Дзве сярэбраныя ўзнагароды заваявалі беларускія майстры скачкоў на батуце на этапе Кубка свету ў Хабараўску.

У індывідуальных скачках вызначыўся Уладзіслаў Ганчароў — абагнаць нашага алімпійскага чэмпіёна змог толькі кітаец Гаа Лей. Яшчэ адно «серабро» падапечныя Вольгі Уласавай выйгралі ў сінхронных скачках у мужчын. Дуэт Уладзіслава Ганчарова і Алега Рабцава прайграў толькі амерыканцам Джэфры Глюкштэйну і Аляксею Шостаку.

2. Беларускія спартсмены Мікіта Свірыд і Даніэль Мукеце выйгралі бронзавыя медалі на турніры серыі Гран-пры Міжнароднай федэрацыі дзюдо ў Ташкенце. Абодва беларусы выступалі ў вагавай катэгорыі 100 кг і не ведалі паражэнняў да паўфіналу. На гэтай стадыі Мікіта Свірыд прайграў расіяніну Казбеку Занкішэеву, а Даніэль Мукеце — Зеліму Кацоеву з Азербайджана.

Астатнія беларускія спартсмены, якія выступалі ў сталіцы Узбекістана, у тым ліку і чэмпіёнка Еўропы — 2019 Марына Слуцкая, засталіся без узнагарод.

3. Беларускія гімнасткі не атрымалі ўзнагарод чэмпіянату свету ў Баку, але заваявалі алімпійскія ліцэнзіі па выніках мнагаборства ў групавых практыкаваннях.

Пропуск на Алімпіяду ў Токіа быў гарантаваны пяці найлепшым камандам па выніках мнагаборства ў групавых практыкаваннях. Пры гэтым не ўлічваліся вынікі расійскай, балгарскай і італьянскай зборных, у якіх ліцэнзіі на Гульні-2020 ужо былі. Раней алімпійскія ліцэнзіі заваявалі Кацярына Галкіна і Анастасія Салас.

4. Хакеісты мінскага «Дынама» абыгралі фінскі «Ёкерыт» у дамашнім матчы Кантынентальнай хакейнай лігі з буйным лікам — 5:0. Лік на 27-й хвіліне адкрыў абаронца «зуброў» Кірыл Гатавец, падтрымаў пачынанні партнёра па камандзе Тээму Пулкінен (ён аформіў дубль), таксама забітымі галамі адзначыліся Андрэй Касціцын і Мікіта Феакцістаў. Сёння «зубры» згуляюць у гасцях з «Тарпеда» (Ніжні Ноўгарад).

5. Гандбалісты мінскага СКА перамаглі ў стартавым матчы новага сезона Балтыйскай лігі. У першым дамашнім матчы армейцы ўпэўнена перайгралі літоўскі «Драгунас» з Клайпеды з лікам 30:23.

Брэсцкі гандбольны клуб імя Мяшкова тым часам пацярпеў другое паражэнне запар на групавым этапе Лігі чэмпіёнаў. У суботу «мяшкоўцы» сустракаліся з французскім «Манпелье» і прайгралі ім з лікам 25:27. Нагадаем, у першым туры спаборніцтваў у папярэдняй групе БГК саступіў партугальскаму «Порту». Наступны паядынак у Лізе чэмпіёнаў брастаўчане правядуць 25 верасня ў гасцях у нямецкага «Кіля».

6. Адбыліся матчы 22-га тура чэмпіянату краіны па футболе. Мінскае «Дынама» перайграла «Гомель» — 1:0, «Шахцёр» (Салігорск) быў мацнейшы за «Віцебск» — 4:0, «Нёман» (Гродна) узяў верх над «Дняпром» (Магілёў) — 1:0, « Гарадзея» ўступіла «Дынама» (Брэст) — 1:3, «Мінск» абыграў «Славію» (Мазыр) — 1:0, «Слуцк» саступіў «Тарпеда-БелАЗ» (Жодзіна) — 1:2, матч «Энергетыка-БГУ» (Мінск) і «Іслачы» (Мінскі раён) завяршыўся з лікам 1:2. Становішча ў групе лідараў: «Дынама» (Брэст) — 54 ачкі (21 матч), БАТЭ — 49 (20), «Шахцёр» — 49 (20), «Дынама» (Мінск) — 43 (21), «Тарпеда-БелАЗ» — 38 (22), «Іслач» — 37 (22).

Дар'я ЛАБАЖЭВІЧ

Загаловак у газеце: Без медалёў, але з алімпійскімі ліцэнзіямі

Выбар рэдакцыі

Грамадства

Запусцілі найноўшы спецыялiзаваны комплекс для падрыхтоўкi судовых экспертаў

Запусцілі найноўшы спецыялiзаваны комплекс для падрыхтоўкi судовых экспертаў

Дзяржаўнаму камiтэту судовых экспертыз споўнiлася сем гадоў.

Грамадства

Як захаваць сэрца i сасуды здаровымi

Як захаваць сэрца i сасуды здаровымi

Адным з самых распаўсюджаных захворванняў у свеце з'яўляецца артэрыяльная гiпертэнзiя.

Грамадства

Валанцёр праекта «Дапамога бяздомным»: Цяпло i падтрымка нават праз ежу перадаюцца

Валанцёр праекта «Дапамога бяздомным»: Цяпло i падтрымка нават праз ежу перадаюцца

Яны кормяць гарачымi абедамi больш за сто чалавек, якiя апынулiся на абочыне жыцця.

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.