Вы тут

Цэнтрвыбаркам акрэдытаваў ужо 103 міжнародных наглядальнікаў


За выбарамі дэпутатаў у Палату прадстаўнікоў будуць сачыць 103 міжнародныя наглядальнікі — 99 ад Садружнасці Незалежных Дзяржаў (у тым ліку 25 прадстаўнікоў Міжпарламенцкай асамблеі дзяржаў — удзельніц СНД) і чатыры ад Бюро па дэмакратычных інстытутах і правах чалавека АБСЕ. Такія звесткі Цэнтральная камісія Беларусі па выбарах і правядзенні рэспубліканскіх рэферэндумаў прадставіла па стане на 30 верасня.


Наглядальнікамі, акрэдытаванымі пры Цэнтральнай камісіі, сталі восем чалавек ад палітычных партый (ЛДП, БНФ, «Справедливый мир», Камуністычная партыя Беларусі) і грамадскіх аб'яднанняў («Беларускі Хельсінкскі Камітэт», «Белая Русь», БРСМ, «Беларускі саюз жанчын»).

Усяго права быць наглядальнікамі ад выбарчых камісій (на апошні дзень верасня) атрымалі 654 чалавекі. З іх 56 грамадзян вылучыліся шляхам падачы заяў, трое прадстаўляюць працоўныя калектывы, 47 — палітычныя партыі, 548 — грамадскія аб'яднанні. З палітычных партый найбольш актыўна (35 членаў) прадстаўлена Камуністычная партыя Беларусі. З шэрагу грамадскіх аб'яднанняў па колькасці наглядальнікаў лідыруюць «Беларускі рэспубліканскі саюз моладзі» (116 чалавек), «Белая Русь» (111 чалавек) і прафесійныя саюзы (92 чалавекі).

Па звестках ЦВК, на 27 верасня паступіла 197 зваротаў ад грамадзян. Яны датычацца тлумачэнняў выбарчага заканадаўства, дзейнасці выбарчых камісій, ініцыятыўных груп, вылучэння кандыдатаў і іншага.

Марыя ДАДАЛКА

Выбар рэдакцыі

Грамадства

Сёння пачаў работу УНС у новым статусе

Сёння пачаў работу УНС у новым статусе

Амаль тысяча дзвесце чалавек сабраліся, каб вырашаць найважнейшыя пытанні развіцця краіны. 

Навука

Наколькі эфектыўна працуе сістэма інтэлектуальнай уласнасці?

Наколькі эфектыўна працуе сістэма інтэлектуальнай уласнасці?

Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.

Здароўе

У Нацыянальны каляндар плануюць уключыць новыя прышчэпкі

У Нацыянальны каляндар плануюць уключыць новыя прышчэпкі

Як вакцыны выратоўваюць жыцці і чаго можа каштаваць іх ігнараванне?

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.