Вы тут

Законнасць — у згодзе з Канстытуцыяй


Супрацоўніцтва дэпутатаў з іншымі галінамі ўлады садзейнічае знаходжанню рашэнняў у інтарэсах грамадзян

З такім тэзісам выступіў Леанід Цупрык, старшыня Пастаяннай камісіі Палаты прадстаўнікоў па дзяржаўным будаўніцтве, мясцовым самакіраванні і рэгламенце падчас круглага стала на тэму «Актуальныя пытанні механізма ўзаемадзеяння дзяржаўных органаў па забеспячэнні канстытуцыйнай законнасці». Сустрэча прымеркавана да святкавання 25-годдзя прыняцця Канстытуцыі Рэспублікі Беларусь і станаўлення інстытута прэзідэнцтва.


Важную ролю ў падтрыманні законнасці ў адпаведнасці з галоўным дакументам краіны адыгрывае Канстытуцыйны суд. Узаемадзеянне парламента з гэтай інстанцыяй павінна развівацца і набываць новыя формы.

«Адбываюцца далейшае ўдасканаленне канстытуцыйнай судавытворчасці і пашырэнне доступу грамадзян да канстытуцыйнага правасуддзя. У вобласці ўмацавання канстытуцыйнай законнасці неабходна адзначыць ролю Нацыянальнага цэнтра заканадаўства і прававых даследаванняў Рэспублікі Беларусь, які забяспечвае падрыхтоўку праектаў заканадаўчых актаў Рэспублікі Беларусь і метадычнага кіраўніцтва нарматворчай дзейнасцю; пракуратуры, якая ажыццяўляе нагляд за дакладным і аднолькавым выкананнем нарматыўных актаў на тэрыторыі нашай краіны; Міністэрства юстыцыі Рэспублікі Беларусь, якое ўдзельнічае ў прававым забяспечванні нарматворчай дзейнасці», — паведаміў Леанід Цупрык.

— Умацаванне канстытуцыйнай законнасці заклікана захаваць канстытуцыйную ідэнтычнасць нацыі ва ўмовах глабалізацыі і інтэграцыі, забяспечыць устойлівае дзяржаўнае развіццё і грамадзянскую згоду, — упэўнена намеснік старшыні Канстытуцыйнага суда Беларусі Наталля Карповіч.

Менавіта гэты орган ажыццяўляе кантроль за канстытуцыйнасцю прынятых у краіне законаў. Дзейнасць па рэалізацыі паўнамоцтваў Канстытуцыйнага суда адлюстроўваецца ў яго штогадовых пасланнях Прэзідэнту і палатам парламента. Акрамя прапаноў, яно змяшчае аналіз вывучаных спраў і матэрыялаў. У сакавіку 2020 года адбудзецца юбілейнае, 25-е, прыняцце паслання Канстытуцыйнага суда.

«Я не магу не адзначыць, што некаторыя пасылы, якія патрабуюць далейшай увагі заканадаўца і ўсіх суб'ектаў правапрымянення, змяшчаюцца ў пасланнях Канстытуцыйнага суда. І Канстытуцыйны суд на іх звяртае ўвагу штогод. Гэта ў першую чаргу датычыцца праблем рэалізацыі ўскоснага доступу грамадзян да канстытуцыйнага правасуддзя, — канстатавала намеснік старшыні Канстытуцыйнага суда. — Абарона правоў грамадзян, іх доступ да правасуддзя — гэта найважнейшыя праявы прававой дзяржавы і ў тым ліку рэжыму канстытуцыйнай законнасці. І ў гэтым плане мы павінны ўзмацніць сваё ўзаемадзеянне».

Зараз у гэтай сувязі разглядаецца магчымасць прамога звароту грамадзяніна ў Канстытуцыйны суд з прапановай праверкі канкрэтнага акта, які ён ставіць пад сумненне.

Наталля Карповіч адзначыла, што забеспячэнне належнага стану канстытуцыйнай законнасці — гэта найважнейшы вынік дзейнасці ў завершаным годзе ўсіх органаў дзяржавы, яе службовых асоб і іншых суб'ектаў адносін.

Марыя ДАДАЛКА

Выбар рэдакцыі

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.

Грамадства

Што рабіць з безнагляднымі жывёламі?

Што рабіць з безнагляднымі жывёламі?

Пасля праходжання юрыдычнай экспертызы на разгляд урада паступiць праект пастановы Савета Мiнiстраў «Аб пытаннях па абыходжаннi з жывёламi».

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.