Чароўнае слова «выйгрыш» ласкае вушы, песціць зрок і... часам перадае асабістыя звесткі ў рукі інтэрнэт-махляроў. Так, карыстальнікі электроннай пошты пачалі атрымліваць паведамленні, адпраўленыя нібыта ад імя «Белпошты». У іх паведамляецца пра выйгрыш новага смартфона. А каб атрымаць нечаканы падарунак, адпраўшчыкі прапануюць выбраць падарункавую каробку, пасля перайсці па спасылцы, пацвердзіць свае звесткі і пералічыць пяць рублёў за дастаўку.
«Белпошта» адзначае, што ніякіх розыгрышаў каштоўных прызоў яна не праводзіць. Такім чынам невядомыя махляры атрымліваюць не толькі грошы, але і пашпартныя дадзеныя. У якіх мэтах яны іх выкарыстаюць — невядома.
Пра ўсе акцыі нацыянальны паштовы аператар паведамляе выключна на сваім сайце.
Валяр'ян ШКЛЕННІК
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».