Вы тут

Білеты на некаторыя цягнікі ў Расію – па сістэме дынамічнага цэнаўтварэння


Беларуская чыгунка з 10 кастрычніка адкрывае продаж праязных дакументаў на цягнікі міжнародных ліній № 39/40 Полацк — Масква, №  96/95 Брэст — Масква і з 25 кастрычніка для цягніка № 76/75 Гомель — Масква (з улікам групы Брэст — Масква — цягнікоў № 676/76 — 75/675) у купэйныя вагоны і вагоны СВ з выкарыстаннем сістэмы дынамічнага кіравання тарыфамі ў міжнародных зносінах. Гэты праект скіраваны на павышэнне прывабнасці пасажырскіх перавозак чыгуначным транспартам і зніжэнне тарыфнай нагрузкі на пасажыраў. Ён рэалізуецца сумесна з ААТ “Расійскія чыгункі”.


Як паведамілі ў прэс-цэнтры магістаралі, асноўнымі крытэрыямі пры фарміраванні тарыфу з выкарыстаннем сістэмы з'яўляюцца ўзровень працэнта занятасці месцаў у вагоне адпаведнага тыпу і тэрміны набыцця праязных дакументаў (білетаў) пасажырамі. Па меры росту парцэнта запаўняльнасці вагона кошт праезду паступова ўзрастае.

Пералік каэфіцыента занятасці месцаў у вагоне адпаведнага тыпу і кошту праезду ажыццяўляецца ў online рэжыме пры кожным новым афармленні цi вяртанні праязных дакументаў.

Такім чынам, сістэма дасць магчымасць пасажырам пры своечасовым планаванні паездкі аформіць праязныя дакументы са зніжкай да 25 % у залежнасці ад маршруту руху. Так, напрыклад, пры афармленні праязнога дакумента (білета) у купэйны вагон па маршруце Мінск -- Масква адпраўленнем 8 снежня кошт праезду са зніжкай складзе 108,73 рубля.

Пры набыцці білета за пяць дзён і менш да адпраўлення цягніка прадугледжана надбаўка да кошту праезду ў сярэднім ад 4 % да 9 %, якая таксама вар'іруецца ў залежнасці ад працэнта занятых месцаў у вагоне.

На БЧ звярнулі ўвагу, што пры фарміраванні кошту праезду ў названых цягніках у перыяд прымянення дынамічнага цэнаўтварэння не дзейнічаюць зніжкі/надбаўка ў залежнасці ад тэрмінаў продажу праязных дакументаў і зніжка 10 % пры адначасовай аплаце праезду ў кірунку “туды і назад”. Не распаўсюджваецца дзеянне дынамічнага тарыфаўтварэння пры праездзе арганізаваных груп пасажыраў.

Сяргей РАСОЛЬКА

Выбар рэдакцыі

Грамадства

Як адбываюць пакаранне асуджаныя да абмежавання волі «ў хатніх умовах»

Як адбываюць пакаранне асуджаныя да абмежавання волі «ў хатніх умовах»

«Хатняя хімія» — гэта турма, толькі на свабодзе», — з сарказмам кажуць самі асуджаныя пра абмежаванне волі без накіравання ў папраўчую ўстанову.

Здароўе

​Як абараніць сябе ад кардыялагічных праблем у халодны перыяд?

​Як абараніць сябе ад кардыялагічных праблем у халодны перыяд?

Менавіта зімой павялічваецца колькасць інфарктаў і павышаецца артэрыяльны ціск.

Культура

Успаміны пра Яўгенію Янішчыц

Успаміны пра Яўгенію Янішчыц

Піша Зіновій Прыгодзіч.

Грамадства

У 2023 годзе з'явяцца квоты на рабочыя месцы для людзей з інваліднасцю

У 2023 годзе з'явяцца квоты на рабочыя месцы для людзей з інваліднасцю

У Беларусі на сённяшні дзень звыш 570 тысяч чалавек маюць інваліднасць.