Выдаткі на вывад Беларускай АЭС з эксплуатацыі будуць уключаны ў тарыфы на электраэнергію. Пра гэта паведаміў дырэктар дэпартамента па ядзернай энергетыцы Міністэрства энергетыкі Васіль Палюховіч сёння ў час прэс-тура замежных СМІ на Беларускую АЭС, паведамляе БЕЛТА.
"У нас усе гэтыя выдаткі будуць уключаны ў тарыф на электраэнергію. Згодна з нашым заканадаўствам ствараюцца фонды зняцця з эксплуатацыі і іншыя фонды - страхавыя, па абыходжанні з палівам і да т.п. Гэта значыць усё, што паложана ў рамках работы АЭС і яе вываду з эксплуатацыі", - сказаў Васіль Палюховіч.
Генеральны дырэктар БелАЭС Міхаіл Філімонаў удакладніў, што канкрэтныя тарыфы будуць агучаны пасля заканчэння будаўнічых работ, калі будуць зразумелыя выдаткі. "Трэба дабудаваць станцыю, мы будзем ведаць наш складнік капітальных укладанняў - яны размяркоўваюцца ў выглядзе амартызацыі па гадах. Усё гэта будзе вядома, але пазней, - сказаў ён. - Калі мы скончым будаўніцтва, падвядзем рысу, колькі каштавалі будаўніча-мантажныя работы, пусканаладачныя , тады адпаведныя структуры разлічаць тарыфы і прадставяць".
Адказваючы на пытанне пра магчымасць выкарыстання на БелАЭС не толькі расійскага ядзернага паліва, гендырэктар станцыі растлумачыў, што зараз у прыярытэце завяршэнне будаўнічых работ на аб'екце і выхад на працоўныя параметры. Таму гэта пытанне прама цяпер не так актуальна.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
