У аператыўна-дзяжурную службу Ленінскага РАУС абласнога цэнтра паступіла заява ад 49-гадовага жыхара горада, які распавёў, што наглядна знаёмы мужчына наўмысна падпаліў кола яго аўтамабіля.
Калі пажар быў ліквідаваны, праваахоўнікі высветлілі абставіны здарэння, а таксама затрымалі па падазрэнні ў датычнасці да падпалу 41-гадовага непрацуючага магілёўца, які пражывае па суседстве з пацярпелым аўтаўладальнікам.
Устаноўлена, што паміж мужчынамі здараліся канфлікты: сусед перыядычна настойваў на тым, каб уладальнік транспартнага сродку не паркаваў яго ў двары, бо гэта перашкаджала жыхарам праходзіць да пад'езда дома. Аднак, нягледзячы на ўсе ўгаворванні, нічога на мянялася, што толькі распальвала агрэсію суседа. Увечары, ужыўшы спіртныя напоі, магілёвец раззлаваўся канчаткова: ён узяў з хаты растваральнік, якім абліў кола чужой машыны, а пасля падпаліў яго.
Па інфармацыі УУС Магілёўскага аблвыканкама, мужчыну пагражае пакаранне ў выглядзе абмежавання волі на тэрмін да пяці гадоў або пазбаўленне волі на тэрмін ад трох да дзесяці гадоў.
Сяргей РАСОЛЬКА
Фота ў мініяцюры: readovka67.ru
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
